JPEX｜陈百祥有留意 大谈多次投资失利破产：唔识就唔好做
撰文： 邓颖琪
出版：更新：
《2023 EYT好友会联欢晚宴》今晚（18/9）举行，近260多位艺员及幕后出席，当中有许多久违冇见的面孔。陈百祥（叻哥）一早到场，他都有留意近日JPEX的新闻，大谈对投资的看法。叻哥说：“我成日都话，呢个世界每个人自己擡棺材，乜嘢都系自己负责，你投唔投资、有咩睇法，自己自负盈亏，当然好多引诱， Bitcoin又好、JPEX又好，你有投资嘅意欲，你想去玩，你一定要认识先去做。你话系咪骗局，我唔知道，因为我冇接触，但系唔识就唔好做！”
叻哥亦谈及自己多次投资失利的经验，并谓：“我系最早破产， 25岁大学未毕业就破产，话我后面𠮶啲破产，其实唔系，𠮶啲系投资，我投资全部都赢，一赢少咗人哋就当我输，话我破咗四次产，有咩所谓？”他说自己未遇过骗局，投资会错，等于跑马都会输，最叻只是两个月中六次3T，但一样会有输的时候。
最近叻哥经常玩抖音，讲到他的“港普”口音，他不介意别人听不懂，笑称自己刻意不学，又指：“全中国都听到正常普通话，听我呢啲先最特别！”明星足球队早前去贵阳踢“村超”，叻哥形容自己是“被演艺耽误的球员”、“全中国最有身价球员”，指踢完村超接了廿几场波，撞跑马期要缺席，球赛就因他取消，问到是否因为他是入波功臣，他笑言：“你觉得马勒当拿喺阿根廷系点，比利喺巴西系点，佢哋觉得我而家系咁，我唔去佢哋就取消场赛事。”