姜涛自认内心反叛　曾担心被磨蚀棱角：好似拔河，要拉番自己返去

姜涛今日（18日）去到商台接受《叱咤乐坛》访问，节目中，姜涛透露个唱完结后，他睇番姜妈的fan cam才发现原来自己唱《我只在乎你》时，姜妈有感动落泪，问到心情如何，他笑言：“可以唔使咁低胸，未见过，有些少吓亲，不过佢开心就得。”

姜涛表示一开始对个唱信心不大，直到full dres后，他有信心会是一个唔错的演唱会，而他现在已开始为下一个演唱会烦恼。而曲风方面，由于过往的作曲较为沉重，所以姜涛亦预告将会挑战情歌，并谓：“我嘅歌的确要有下一个阶段。”

由于之前一直忙于排练个唱，所以未有好好宣传《涛》，主持人谢茜嘉依据歌词，叫姜涛自评最危险的部分，他说：“应该系自己内心嘅反叛，对于创作、表演，我唔系个好听话嘅人，大家都知我会喺台上不受控制，做一啲会令大家‘点解会咁’嘅嘢，但呢一啲嘢我都想保留，唔可以因为做得唔好而限制自己𠮶种嘅可能性，只会更加地将自己应该做嘅做好。”

讲到反叛，姜涛透露原来当初曾抗拒走出天桥到小舞台，原因是觉得尴尬。“跳完《镜中镜》，会有时间俾自己酝酿情绪，行𠮶条路都代表你自己一直以来受嘅好多苦，所以佢哋话系地狱之路。其实只要你有自信，喺台上就算唔郁，好似Michael Jackson，都好有energy投射到出嚟，所以我最后都行出去，因为本身段音乐系要跳好多嘢。”

在娱乐圈经历五年，有冇惊过被磨蚀棱角？姜涛说：“一定会，批评同攻击下会迷失当初嘅自己，但要记得初心，好似拔河，要拉番自己返去，学识要揾番当初嘅自己。好多人觉得做自己冇错，但我自己有一番理解，做自己要好清楚认识自己，边啲啱边啲错，呢个先系真正做自己，唔系错嘅都认为啱，我会将自己当初太激烈情绪，以往之后用较适合方式表现出嚟，而唔系一咪向前冲，要攞平衡先系好表现者。”如之前危险指数是10，而家已减至5、6。