庄思敏承认是JPEX苦主投资6位数 希望冇被骗︰只系中间有啲误会

艺人庄思敏（jacquelin)今（16日）专程从佛山回港参加《东方女神2023》选美活动。身穿低胸粉红色晚装现身的她，相当漂亮，而在接受《香港01》访问时 ，她就坦承是JPEX受害者之一，目前因为事件己进入法律程序，不方便透露更多。

卷入JPEX无牌风波的jacquelin，在接受《香港01》访问时就表示：“我都系受害者之一，因为我知道而家进入咗法律程序，所以都唔方便交待太多啦。我都系留意紧佢哋有关嘅公布。（会唔会觉得系被呃？）我觉得投资始终有风险嘅，我希望唔系全心呃，希望中间有啲误会，唔知道呀。（惊唔惊攞唔番钱？）而家都系交俾警方处理同证监进行紧调查，所以都唔方便发表意见，我希望佢哋调查完之后有个交代。”

虽然Jacquelin不愿透露更多，但续问到投资几位数时，她就扬言：“6位数，（投资前冇查清楚？）因为我唔系直接同JPEX有任何合作，佢喺我立场系一个平台，好似唔同股票行，我系经一个找换店去认识JPEX，只不过我用咗佢个平台去做交易。当然而家预到啲问题，资金冻结咗，希望件事快啲解决。”强调目前也是在静观其变，续问到如果资金真的未能拿回呢？她就非常淡定表示：“冇办法，认命努力工作。”

另外，提到早前被指在杭州买千万豪宅，她就否认：“冇买到，我都系暂时租住先，因为多时间喺内地做嘢有自己地方都舒服啲。（会唔会考虑买？）迟啲啦，因为啱啱喺杭州，再睇吓有咩区楼盘适合，唔会急住即刻买。”而问到她用500人民币请厨师上门煮𩠌，被网民指好贵，对此她就认为是便宜的：“我觉得平呀，因为500蚊3个钟头系任煮，佢可以煮一个礼拜𩠌一次过煮好多个𩠌，煮几日我再翻热。”这样看来其实不算贵。