Eric Kwok郭伟亮自爆为XiX“投资”1亿 冇下禁爱令鼓励成员拍拖
撰文： 张祖铭
出版：更新：
全新少女组合XiX今日（16日）在观塘举行新歌首播会，五位成员包括邓晓殷（Kiele）、庄殷玥（vici）、缪昀希（Charlotte ）、良玳莹（Crystal）和杨秉颐（Caitlin）。XiX经理人郭伟亮（Eric）及形象监督叶佩雯（Grace）亦以夫妻档出席活动，他们在接受《香港01》访问时表示：“XiX今日表现唔错唔错，今日佢哋冇彩排嘅情况下，加埋见到学校嘅朋友好大压力，做到咁好已经好好。”
被问到今次为组合投资多少金额，Grace第一时间抢答：“好多好多。”而Eric则搞笑表示：“投资咗1亿，我啲心血值1亿！”Eric表示希望能够尽快协助XIX开一场演唱会，并大赞：“佢哋又唱得又跳得，其实几时开都得！”
提到Grace今次担任XiX形象监督遇到什么挑战，她说：“其实唔系挑战咁简单，系要教佢哋，佢哋系零所以由打底开始教，要改变佢哋化妆同埋品味，甚至要同佢哋家长讨论，因为佢哋仲发育紧，好多嘢都会变！”她绩指全部队员在半年之间发育得很快，很多东西都需要更换及调整。讲到公司会否下禁爱令，Eric坚称：“冇呀！反而佢哋屋企人担心，Caitlin 15岁太细啦，反而Kiele下个月就17岁，佢喺外国返嚟，要拍下拖先知道有阵时啲歌词唱紧乜嘢！”Grace则笑称：“其实佢哋都会讲吓侧边啲男仔嘅，话边个男仔好靓仔，我就会偷听！”
下年即将是《我最喜爱的Eric Kwok音乐会》10周年，被问到会否考虑再举办时，Eric惊叹表示：“吓，已经10周年啦咩！暂时我所有嘢都消失咗，个脑海剩系得XIX。”Grace则表示支持老公再举办，到时可以邀请XIX表演！”