爸知弊！你嚟凑吖｜小猪比扭计爆喊　陈展鹏单文柔想追多两个

无线实验性真人骚《爸知弊！你嚟凑吖！》，由黎诺懿及陈敏之化身“爸知弊幼稚园”校长及副校长考验四大艺人家庭爸爸代表，直击时下艺人家庭爸爸代表独力凑仔表现。昨晚（15日）艺人家庭代表爸爸陈展鹏及囡囡小猪比，与素人家庭代表爸爸Rick及Sophia齐齐接受任务。是次制作组刻意安排小猪比与Sophia一起录影，皆因小猪比一直恨做姐姐，而小猪比确实期待与Sophia见面，除为对方预留亲手炮制的饭团，吃饭时亦对Sophia万般关注，主动喂食又提出“爱的抱抱”，Sophia和她互动时又会劲兴奋。妈咪单文柔Phoebe解释谓：“佢好期待有小朋友同佢玩，成日想要个妹妹或细佬，我哋有同佢讲，睇你系咪真系识得照顾自己同细过你嘅小朋友先啦。”

之后小猪比被安排独力照顾Sophia 30分钟，岂料“CEO型”猪比因而爆喊，并喊著叫嚷：“我唔想同爸爸分开！”令展鹏甜在心头：“证明我喺佢心入面一定有位置，同埋安全感。”一直看似被爱女冷落的展鹏赢回一仗，在节目中更罕有地分享教小朋友要“爱得中庸”：“小朋友就好似植物咁，你唔可以日日埋去搞佢，你一定要了解佢，但你只眼其实系望住佢。如果太过关爱，佢有时可能会反感。”

听从爸爸劝告抹干眼泪的小猪比，话咁快Switch至家姐mode全心全意照顾Sophia，并按展鹏遥距指令执行喂奶、著外套及穿鞋子三项任务。眼见Sophia抗拒外套，小猪比竟懂得不要强人所难放弃任务；之后的穿鞋任务，小猪比又感染到Sophia主动帮她穿回鞋子，令Phoebe及展鹏大为感动；深感安慰的展鹏更预告想追多两个小朋友：“真系好紧要，多个小朋友，佢哋学识好多嘢。（系咪好想生多个）生多对呀直头依家。”问到下一个目标是仔定女，展鹏与Phoebe异口同声指“想生女多啲”。

官方昨晚播出的绝密删剪片段，Phoebe进一步解释小猪比如何恨“妹/弟”成狂，并坦言有认真为了小猪比考虑再追B：“佢有个进阶版，有一日佢将个公仔摆喺个肚入面，跟住同我哋讲，妈咪我自己生…佢会随身携带一个BB公仔，话呢个系佢妹妹，跟住带住出街玩。”陈敏之听完即忍不住催生：“咁你唔好谂咁多喇，观众都知道要你快啲（生多个）喇。”敏之又感叹小朋友有兄弟姊妹较好：“一个系真系寂寞，我个仔都系自己同自己玩、同啲玩具倾偈，好惨架一见到咁，我又谂我年纪都唔细…”

最后两对父女按制作组要求DIY心意咭送给妈咪，“爱妻号”展鹏感激Phoebe之余，还主动承诺帮忙分担家事：“我觉得对佢有少少唔公平，依家猪比都读书喇，佢可以有多啲时间做自己钟意做嘅嘢，咁我咪顶住屋企嘅嘢咯。”Phoebe亦感激展鹏沿路支持。展鹏除有暖男面，亦有烂gag面，事缘展鹏DIY心意咭时贴了“999”，并向Phoebe发表肉麻烂Gag：“叫佢唔使打999，有咩揾我得喇，我就系你嘅999。”