TVB讲波初体验网民激赞 阿仙奴忠粉袁文杰：做嘉宾吹下水好啦！
相信有唔少巴打在凌晨都有为睇英格兰足总杯决赛－阿仙奴对车路士这场世界大战而收睇TVB。有不少球迷留言表示，因为有“游生”袁文杰呢位阿仙奴忠粉做嘉宾，所以才打开电视机睇TVB。不过，有时候总系好难十全十美，网民睇得游生，代表要睇埋进化成为荷兰叻的陈百祥。就算唔想睇，都要睇落去，因为难得有得免费波睇嘛！就系咁，就有不少球迷见证这场球赛，同时都目睹荷兰叻爆了甚么金句、游生又有甚么出色表现。
（赛前）我就两队都咁钟意㗎，所以呢我系冇所谓嘅，最紧要大家一齐欣赏呢场好波！（赛后）我其实都钟意阿仙奴㗎！不过见佢（袁文杰）著晒衫咁，畀佢开心下先啦！跣一跣，好似谢拉特咁样......唔系㖞，佢中个波吖嘛，中个波吖嘛，两个人一齐中吖嘛...嗱，佢中个波吖，你睇住吖嗱，佢系中个波之后先中...系咪啊？佢中个波吖嘛
不能尽录......
好多网民睇完荷兰叻的神级讲波，直言他言之无物，加上他整场波都不断说话，更觉得他没有理会身为嘉宾的袁文杰。相反，初次在TVB讲波的袁文杰，就获网民大赞：“游生资料够，仲讲咗好多阿仙奴隐患，及车仔长处，如系阿仙奴迷，会好有共鸣。”、“游生真心分析，其他𠮶几件净系识讲边个好波边个唔好波”，看来光是足球知识，对比起钟志光与荷兰叻，游生已经超班。
《香港01》就问到袁文杰，他笑言：“能够睇到自己心爱嘅球队可以攞冠军，我已经好开心㗎啦！成场波我都好Enjoy，我觉得咁样都几好玩喇。”讲起阿叻与钟志光丧讲嘢，有时讲得似有还无，更有网民发现他们讲错话，而袁文杰都不太出声，任他们讲，他说：“我都系做嘉宾啫，负责喺适当嘅时候发表下意见。又唔会话想做主持咁，做嘉宾吹下水，冇咩压力都几好呀。”
提起阿叻，游生对他的评价都不错：“我呢挺咁固执，啫系钟意足球嘅人呢，都系好钟意同其他钟意足球嘅人一齐交流。我一路睇住场波，其实叻哥一向都有踢开波，咁佢有好多即时嘅犯规判决，球证点样判罚呀，佢都即刻可以有个讲法，可以话畀观众听，其实我觉得好难，因为一路睇一路要有个谂法，随时要讲出嚟，呢个唔系咁简单做得到，呢个就系经验啰。”游生讲到熄咪之后，仲会同叻哥倾更多波经。至于有网民话叻哥讲波的方法太老土？游生就话：“咁点解林尚义阿叔讲波到依家都仲咁多人挂住？因为佢讲嘅方法都唔系新㗎，我觉得任何情况之下，唔需要分新旧，最紧要中point㗎啫，有啲观众就系钟意人讲波有即时性，又有人钟意了解背后嘅资料嘅，所以一场波有多过一个评述员就系咁解，都系cover唔同人嘅口味啰。”