袁洁仪当年为帮宝珮如解财困 曾一度停供楼︰急用咪俾佢先
撰文： 林得懿
出版：更新：
宝珮如（Baby）于1999年遇上车祸，此次意外令她致下颚面骨尽碎，致毁容兼盘骨碎裂，后要经历七年手术。宝珮如曾公开感谢昔日亚视嘅同事袁洁仪，对方在她最困难时，将自己一半薪金借她。
袁洁仪近日接受港台节目《安哥同学会》访问时，旧事重提，她表示在亚视年代，见宝珮如多过见父母，二人关系如姐妹一样。“当时供楼好吃力，我直情有一年系停供 ，唔供住，俾息。因为我供得嚟，我父母又系无得食，咁不如拎去俾佢哋、俾少少Baby，横掂都唔够供，急用咪俾佢先 。”
访问中，袁洁仪亦忆述了自己三次流产嘅经历，她表示第二次流产后才知道何谓安胎，所以第三次怀孕时，索情留在广州，但当地嘅产检未及香港先进，所以当验出胎儿有唐氏综合症时已经系3个多月嘅事，其后她选择人工流产。“我以为手术好快，仲叫老公唔好嚟医院，结果我痛足4、5小时，起初以为太多人做手术，后来先知因为我个胎太大，要用自然流产，即系等嘅胎水自己流出嚟。”