杨潮凯系绝种好老公　爱妻怕同老婆嘈交：最终都系要氹返佢

TVB出名人工少，都听过不少艺人呻揾得几多，唔够生活等等，有份演《不懂撒娇的女人》的杨潮凯其实都深明这个道理。但为了自己喜欢做的事，他无怨无悔，亦了解到可能走出去找一份银行工作人工会更多，不过自己一会行尸走肉地上班，有甚么意思？现在返公司拍剧，每日都好开心，有一种热血的心去拍好每一个角色，这样亦是对自己和观众最负责任的行为。《不懂撒娇的女人》接近尾声，自己的演出也得到了观众好评，他好感激两位前辈宣萱和林文龙对他和江嘉敏在各大专访中给予的赞赏，这无疑是一种鼓舞和肯定。要感激的人又怎会得两位？不过讲到拍剧生涯当中，他最感激的一定是身边的一位，就是阿凯的圈外老婆。

有老婆　万事足

谈起老婆，阿凯立即就整个人甜蜜起来，而且好肯定地说是在十七岁前一个月跟老婆开始拍拖，而且还是初恋！虽然他不是老婆的初恋，不过阿凯绝不介意，他对这些事没甚么所谓。拍了拖十一年年，三年前终于拉埋天窗，事隔十四年都记得几时开始拍拖，真系好Sweet！世界仿佛充满了甜蜜，虽然还要为供楼奋斗，不过从他眼中看到的不是气馁，而是幸福。他说：“佢好支持我，系我最强后盾，所以有个好好女人喺后面系好重要。好在喺一个好好嘅时间买咗楼，而家仲供紧，系辛苦架唯有同老婆每人出一份，咬实牙关撑落去。”

老婆要用来钖　不是要来闹

在《不懂撒娇的女人》中，主要讲述香港女生在撒娇这一方面输给其他地方的女性，但阿凯就表示自己老婆绝对没有这方面的问题，他说：“佢都会撒娇，正常都会喇，好合理姐。绝对唔系剧中Mall姐𠮶种，我唔得㗎咁硬嘅女人，我呢啲潮州人好大男人㗎，虽然我唔系话要我take over晒所有嘢，最好就系小鸟依人咁。但都唔可以好似剧中台妹纯纯咁样，太起鸡皮喇，虽然系靓女，做女朋友就ok，但如果系日日对嘅老婆就太辛苦喇，最憎呢啲，哈哈！而诗咏𠮶款就系典型嘅香港女仔，刻苦耐劳，会同你一齐挨，间唔中会温柔，独立又得，我就最钟意，我老婆就绝对系呢种。”谈到与老婆如何维持关系，他指最紧要是双方互相信任，因为有这一种信任，他跟别人相处的时候反而轻松了，没有顾忌那么多。当自己得到了对方的信任和给予的空间，便会明白到自律的重要性，“其实我都有同女星食饭，无人影到啫，哈哈。其实我同人建立关系，总之我同你系朋友，我有老婆㗎喇，都唔会有咩发展，大家咁样做朋友咪好舒服啰。佢都会间唔中串吓我架，会话你就爽喇，笑完就无嘢喇。我地嘅关系就系咁样，佢知我系做嘢，会好大方。”不过亲热戏都尽量避免被老婆看到，但原来阿凯老婆是教书的，有时候学生看见阿凯的演出便会将片段给他老婆看，阿凯就奉劝老婆的学生们：“唔好再cap图俾佢喇，真系好危险，唔好搞到我地家变喇，哈哈。”其实要建立信任很简单，阿凯指跟老婆一早已经讲明不会偷看大家的电话，亦不会轻易把分开说出来，这么多年来都相安无事。而且最紧要的事不要闹交，他说：“我奉劝咁多位男人，千其唔好同另一半闹交，因为去到最尾都要哄返佢。有时我都会把几火闹返转头，但静一静之后就知道濑嘢喇，又系要自己哄。其实除非你唔爱佢㗎啫，如果唔系最终都系要哄返佢吴㗎啫，咁不如一开始就唔好嘈咁咪最好啰。”

拍亲咀戏并不好受

讲起亲热戏，阿凯之前演出剧集《纯熟意外》要和孙慧雪做情侣，有网友帮他改了个新花名叫“宅男公敌”，他当时都觉得几好笑：“不过啲网民对我好好，无乜点评击我，你知喇，有啲人真系会俾人话到体无完肤，我就最多系俾人叫我放开雪雪。咁啱而家呢套剧我又要同江嘉敏有咀戏，之后又俾人话，真系对唔住喇，呢啲都系剧情安排。其实喺同雪雪之外，我喺公司做咗五、六年，系完全无呢啲亲密戏，唔知点解呢套剧之后就keep住有咁多，连同何雁诗拍MV都要钖。哈哈，呢啲可能就系运气，可能我打后五年都无呢啲戏喇。”当阿凯被问到哪一位女艺人最好咀，聪明的他就转了个角度去答，他指其实拍这种亲热戏过程并不好受，因为有很多事情需要兼顾，他说：“你拍嘅时候虽然好投入，但其实侧边都有好多人望住同好多拍摄上嘅嘢需要配合，同埋作为男仔其实好尴尬，因为你唔知个女孩子点谂，虽然好好彩我拍过咁多个kiss戏嘅对手都系好朋友，通埋沟通得好好，因为我好惊俾人话我系色情王，所以其实都几辛苦架。”所以有时阿凯收到剧本时都会有点害怕，心谂：“又钖？”甚至有记者问过他这些钖钖剧情是不是他自己加上去。

讲到亲密戏，床戏少不免比亲咀更为激情，他自己也有过一幕跟雪雪激情热吻再上床的戏份。不过他就指自己完全无任何生理反应：“就好似头先咁讲，太多嘢要兼顾，又要理机位，又要谂点落床，因为惊压亲人，其实好多细微位要留意，无乜时间谂其他嘢，要有𠮶啲反应真系好难，所以我都唔明点解戴耀明会动L，哈哈！明明𠮶场戏我同佢一齐拍，我都无留意到。”