女子监狱｜陈庭欣挑战大银幕与阿娇合作　爆对方私底下原来好搞笑

撰文： 张祖铭
出版：更新：

艺人陈庭欣（Toby）有份参演的电影《女子监狱》最近于香港全线戏院上映上映！对于这次从电视圈转战大银幕发展，Toby接受《香港01》访问表示：“最初监制伍健雄要拍类似监狱揾靓女去坐监，我都以为佢讲笑，结果佢真系揾我，仲叫我去做丧婆呢个角色。”她续指跟经理人商量一段时间才接拍，并表示：“坐监应该会有好多打斗场面，或者啲言语动作冇咁斯文，会影响其他嘅工作，因为我主要做司仪为主，但后尾我都觉得都系拍电影，啲观众好聪明识分，所以勇敢地接咗啦！”

艺人陈庭欣（Toby）有份参演的电影《女子监狱》最近于香港全线戏院上映上映！（资料照片）
陈庭欣从电视圈转战大银幕发展。（资料照片）

提到这次演绎角色“丧婆”戏中破格演出讲粗口，她坦言：“其实我唔系讲好多，只不过我为咗迎合个角色，其实当时剧本系简单啲，冇必须写住话系讲粗口，但系我觉得应该有咁嘅需要。其实都算系level 比较低嘅粗口。 我都担心就算大银幕嘅尺度系阔啲，都未必可以讲得咁尽。”

陈庭欣演绎角色“丧婆”戏中破格演出讲粗口。（资料照片）
陈庭欣事前有为了角色做足功课。（资料照片）

讲到事前有为了角色做足功课，她说：“我都有设计落呢个角色度，例如我成日卷起个衫袖，打扮得唔好咁整齐，企又企得好衰，啲动作系大啲同埋粗鲁啲，眉毛都特登画粗啲，虽然大家都会觉得监狱唔应该化妆，但系电影有阵时都需要化妆帮手。”

至于提到同钟欣潼（阿娇）合作，她分享：“我冇谂到可以同阿娇合作，Twins𠮶阵系咁高人气，边有一首歌我哋唔识唱，我能够同佢一齐拍仲要做佢嘅手下，仲要做一个姊妹情深嘅角色特别开心，同埋阿娇原来私底下都几搞笑，尤其是系倾偈𠮶阵大家有讲有笑，大家时间都会过得快！”

陈庭欣特别开心同钟欣潼（阿娇）合作。（资料照片）

被问到有否因拍戏而受伤，她坦言分别拍两场戏时曾经历过。她忆述：“有一次喺大操场我哋大班人喺𠮶度，起哄推撞𠮶一段戏，可能大家都太投入，我又俾人刮到少少皮肤！”而另外一次受伤的经历，她笑言：“有一场我拎住一袋垃圾俾“㓥猪还”（李彩华）阻住我行仲推我埋墙壁，真系背脊瘀咗，因为𠮶墙唔系平时平坦𠮶种系凹凸，所以返屋企瘀咗成个礼拜。”至于最深刻难忘的场面，她说：“我𠮶阵时系8月27日生日，𠮶日我系返去坐监，佢哋有喺监狱买个生日蛋糕俾我庆祝。”

陈庭欣自爆俾李彩华撞伤背脊。（图片受访者提供）
陈庭欣难忘生日喺监狱庆祝。（图片受访者提供）