65岁李成昌做医美回春30年竟冇用？　网民一句说话令人哭笑不得

早前李成昌和杨玉梅为医学美容公司拍摄广告，李成昌先爆接受医美“换脸”成功愈变愈后生，杨玉梅笑指李成昌“后生咗成三十年。”

李成昌接受访问时笑说：“边有三十年呀，我就觉得后生咗二十年啫。其实整之前我系有问过我老婆意见嘅，佢都觉得而家医美微调都好普遍，而我就觉得医美唔系女人嘅专利，男人都可以整，只要唔系整得太过份，我都接受到。而家个样整咗出嚟个效果我好满意，我要变成咁，前后用咗8至9个月时间先变成咁，咁所以我系觉得值得嘅。之后我得闲都会上嚟Keep住保养护肤。”

不过，有网民就在讨论区上说：“换30年前嘅梁朝伟就有用，换番30年前嘅李成昌有咩用”，这个留言立即获得大量赞好。但其实李成昌一向都是演技派，样貌并不是他的特点，30年前的他其实跟现在分别不大。