那年盛夏‧专访｜Marf拒绝被标签做偶像　首次做女主角最惊揽炒

ViuTV剧集《那年盛夏我们绽放如花》本周进入结局篇，Admin身份仍然未明，6A班仍生存的同学继续被迫参与死亡游戏，各人情绪濒临崩溃边缘。Collar成员Marf(邱彦筒)首次拍剧就担任女主角，而主要对手“四大好人”的陈焯岚、rapper蔡承恩(Billy)、光头帮的陈杰奇和黄伟聪(Noise)同样是新演员，提到对大家的第一次印象，五人不约而同表示“都几寸”。

首次做女主角，剧种既悬疑又血腥，Marf表示十分欢迎，一来是自己对爱情小品不太感兴趣，二来是不想被标签“偶像”。作为一个零演戏经验的人，Marf在开拍前其他演员参加了戏剧班，由互相认识到慢慢发掘内心，再排练剧中打斗场面，令大家稍为安心。“因为大家都系新演员，所以好惊会揽炒。”Billy亦表示自己做音乐时，都唔够胆同无经验的人合作，所以对于今次导演陈健朗的破格举动十分尊敬。

边化妆边流汗

谈到拍摄的“kam”位，4大好人即时大把货，Billy表示拍摄学校的化妆间完全无冷气，大家边化妆边流汗，以为可以去课室享受人生，结果一roll机就就变蒸炉。剧中一幕四人帮在下水渠拍摄，陈杰奇表示：“因为要营造气氛，所以放烟，工作人员拎住两桶烟跳桥，结果连人带桶跌落水。我哋拍完𠮶场要即时接真心戏，全日就系湿完、吹干再湿。系辛苦，但都几值得，因为可以同成班朋友一齐完成呢件事。”

全部都Chok住去试戏

首次与Marf合作，Billy表示由于对方当初唔多出声、加上完全唔望人，所以第一印象系“都几寸”，但合作过后，原来都“几男仔”。焯岚补充：“唔好话Marf，我一知道对手有佢哋时，都‘死啦，夹唔夹到？大家都咁寸’仲记得casting𠮶日，全部都系chok住到场。”Marf解释自己唔系怕羞，而系怕出丑，所以每次在陌生环境下，都会先观察，而幸好四大好人十分成熟。“有时会比较小朋友，但佢哋都好有想法，我同佢哋相处得好自在，先会有男仔头，平时同唔熟嘅人真系唔会。”

COLLAR有成员唔钟意应机

讲到已读不回，Noise十分大反应表示自己极讨厌被蓝剔；焯岚就话除女朋友东东以外，平时已读不回机率甚高；Billy同Marf则会使用通知中心功能，令对方不知自己已读。“入行之后真系好多讯息，我有谂过用两个号码，但其实工作同个人都已经唔系好分得开，有时连续做嘢一星期，真系睇到唔想再睇。（COLLAR边个最唔应机？）Day！佢成日都系咁，至于经理人Wing我就一定会覆，因为佢唔系成日揾我，揾得嘅都一定系有嘢要交代。其实我哋（COLLAR）系去完日本之后，先多咗私下揾大家，所以点都会覆，因为惊有咩事，同埋都系一种支持。”

服装：Marni, Dr. Martens, Dunhill（Marf）、@midwestvintage, @projectt_official, @12.oclock.vintage, @shopping.bag（蔡承恩、陈杰奇）

化妆： San chan, Percy （Marf）

发型:：Taurus Lee（Marf）

形象： Daniel Cheung, Chesney Lau（Marf）、@inggradwantmagic, @wing_wa1（蔡承恩、陈杰奇）