“滑冰女神”马晓晴为亚运节目任嘉宾主持唔怕甩漏：要做定功课

香港花样滑冰女神马晓晴（Maisy)昨日（11/9）现身有线电视大楼出席HOY TV独家直播《杭州第19届亚运会》开厂拜神仪式。Maisy受访时表示：“今次系做嘉宾主持，咁其实我系第一次做夏季运动，上次我系做《冬奥》，咁所以今次嘅项目对我嚟讲系好新，变咗喺主持工作方面要做定好多功课，避免有任何甩漏。（大家都好关心你嘅感情生活？）忙啰！（你要应付多个男友？）哈哈，唔系呀！特别系呢一年，可能疫情又好返少少，所以工作方面系多咗嘢做，就自然会少见朋友，但我就觉得系一件好事嚟，始终今年自己都23岁，自己有另一个司仪嘅身份，咁多啲嘢做学多啲唔同嘅嘢都系一年好事。”