58岁尹天照日花3小时健身　否认登台价得5万

90年代凭《我和僵尸有个约会》的况天佑一角爆红嘅58岁尹天照，近年鲜有参加幕前演出，今午（10日）他现身“香港健美及运动体适能锦标赛 2023”担任颁奖嘉宾，他接受访问时表示因不时揾内地朋友介绍健身教练/场所，故今次做颁奖嘉宾全属还人情债。

尹天照表示近年开始注重养生，每日早上先跑步一小时，再健身两小时，晚上约十点睡觉。“最近朋友叫我跑一日抖一日，我都发觉力会大啲，唔会咁快攰，但呢排啲天气真系难跑，”

尹天照透露近年百分之九十工作都在内地，又大赞待遇十分好。“酬劳好，唔使挨，不过因为我所有戏都要打，所以先要keep住体格，自己好钟意拍打戏，打完睇片好有满足感。啱啱有部戏揾我客串，拍完第一场对方都惊讶我可以咁快上手。”提到早前有报道指他内地登台价只得5万，尹天照话登台是艺人嘅最快揾钱方法，而且唔辛苦。“但唔系报道讲出场费5万，商演价唔同、地方远近又会唔同，佢点可以用一个价去fix死我，有时啲记者唔知那来嘅小道消息就当系真，但我又无所谓。”

由于尹天照主力赚人仔，所以疫情期间他差不多3年无工开，“有人叫我去商演，但我两边加埋隔离都21日，佢又落实唔到有几场，我点会搏？同埋如果我中咗，影响屋企人点算？所以𠮶时我留喺香港，载口罩去跑步。”提到旧拍档万绮雯近年在内地开民宿，问到有否与对方联络，尹天照表示：“其实啲老友都唔使揾，大家喺横店开工都一定见到，夜晚唔使开工就一齐食饭。”