甘比爆刘銮雄眼红仔女有手织冷衫　忍唔住开口要：织完畀佢冇着过

由星爷周星驰自编自导自演的经典电影《长江7号》适逢今年踏入15周年纪念，为让一众影迷重搭回忆，华人置业集团行政总裁刘陈凯韵女士（甘比）特意在铜锣湾皇室堡举行电影纪念活动，为答谢徐娇专程亲临现场参与活动，刘太更别出心裁亲手编织一只“7仔”作为中秋节礼物予徐娇，以表感谢之心。

甘比接受《香港01》访问时表示：“其实我系第一次见徐娇本人，佢畀我嘅感觉佢系一个好乖嘅女仔，头先我哋仲彼此分享编织毛公仔嘅心得，而呢个7仔毛冷公仔我只系用咗一个钟头多啲就完成咗。（几时开始学织毛冷？）我点解咁钟意织嘢，系因为喺疫情嘅期间，啲小朋友喺屋企上网课，我见冇嘢做，就喺旁边织毛冷。试过有次阿仔想要个太阳叫我整畀佢，但我发觉方法唔系织，而系用勾嘅方法，就系咁我就学勾针方法，点知学完之后就钟意咗。”

被问到有否编织毛衣给老公刘銮雄？甘比甜丝丝表示：“佢见我有织畀啲小朋友，佢都忍唔住落Order。（佢要求好高，有冇话你啲嘢差少少？）其实都改过几次，例如织完畀佢试上身，佢就话条领要再阔啲，又或者个手就要再长啲，前后都改过几次，佢系一个特别有要求嘅客人嚟，哈哈。其实佢又好好笑㖞，一开始我系唔织畀佢，当佢叫完我织畀佢之后，佢竟然收埋佢唔着㖞。不过可能佢本身怕热，我织完畀佢，佢系冇着过。都系𠮶句，佢都系唔抵得我织畀啲小朋友，所以先要返件咁解啫。”