吕颂贤为万希泉设计陀飞轮谂到头都爆：我系冇任何想法

吕颂贤（Jackie）今日（7/9）现身湾仔会展出席香港陀飞轮品牌万希泉x吕颂贤“疾风陀飞轮发布会”。万希泉创办人沈慧琳虽然有事务在身未能出席今次的发布会，亦专诚拍片祝贺：“其实自己是‘金庸迷’，一直非常喜欢 Jackie 饰演的令狐冲角色。有幸得到合作伙伴 Rick kwan 的针引线而认识Jackie，结果与对方一拍即合，携手打造了这枚年轻化的疾风陀飞轮腕表，以型格的手法重新演绎传统陀飞轮制表工艺。”

Jackie受访时透露自己抱恙在身出席活动：“可能之前喺横店工作期间，因为天气太过热，所以搞到呼吸道感染咗，仲发埋烧，好彩而家就冇乜大碍，只系仲有几声咳咁。不过无论点都好，能够今日见证我嘅‘BB’出世系相当开心，因为算系我一个少少嘅作品，咁但又唔系有几咁惊天动地嘅一件事。但喺设计上都遇到好多难题，因为起初嘅时候我唔知点样设计，同埋我冇任何想法。不过后尾我谂起以前用过自己嘅英文名组装过电单车嘅图案，于是我就将呢样嘢交到去设计师手上，佢哋接手后大赞呢个设计非常好，就系咁呢只表就完成咗。”