港姐冠军庄子璇忙到走堂　担心影响学业：冇办法都洗湿咗个头

港姐冠军庄子璇（Hilary）今日（7/9）现身铜锣湾出席港姐活动。提到新学期现已开课，在港大修读营养学课程的Hilary表示：“一阵我完咗个活动之后我就要赶住返学，之前返学嘅时候，都见到啲同学仔，佢哋见到我就冇话好大反应，佢哋都系平常心，而且佢哋都有要求同我合照。（返学衣着打扮随便？）系呀，有时我返学都会戴帽，因为有时个样比较攰，可以遮一遮。（网民批评你衣着MK，会否改变打扮？）其实我都系做返自己，因为本身我对衣着就冇咁讲究，我系见到咩衫就着咩衫嘅人嚟。（要履行港姐职责，会否担心影响学业？）一定有，就好似寻日咁，我已经走咗堂，我都冇办法，都洗湿咗个头，唯有两样去兼顾，之后唯有叫朋友畀啲录音我听返，好似寻晚咁，听听下我都瞓着咗。”