李佳芯获网民票选“艺人做老婆”排行榜：唔通我有人妻feel ?
撰文： 邝钰莹
出版：更新：
李佳芯今晚（6日）现身时装展，Ali透露平时虽然因工作关系而买唔少衫，但多少都以著完再著，所以款式会尽量简约，即悭家又环保。
Ali昨晚由日返港，此行是为了拍摄旅游节目《日本18种住法》，由于周吉佩出发前曾表示恨与Ali在当地街头卖艺，唱到Ali有否让对方愿望成真，她大卖关子表示：“佢真系去到边都拎结他，不断问我唱呢首得唔得，但有无唱就要留返节目开估。”Ali表示自己最得心应手始终是拍剧，但目前暂时仍未有剧在手。“综艺都系挑战，不过无所谓，公司安排我做咩咪做。”
提到有网民喺讨论区以“如果畀你拣一位艺人做老婆，你会点拣同点解？”为题出PO，Ali闻言后即问：“我又入咗榜？都系好事，唔通我有人妻feel ?都开心嘅，可能证明我够贤淑，定系我年纪关系？不过都多谢网民，一直都对我好好，好似每次无论好同唔好嘅提名都会有我份。”