Edan吕爵安演唱会风波冇影响同姜涛关系：我同佢都真系friend

吕爵安（Edan）、魏浚笙（Jeffrey）、王丹妮和谭旻萱今午（6日）出席时装品牌活动。Jeffrey 早前喺活动上发表嘅言论成热话，今日他接受访问时透露自己最近睇紧《富爸爸穷爸爸》，Edan 闻言后问他是否准备做爸爸，Jeffrey 表示：“佢有一句系唔好谂点悭钱，谂点赚钱，好高深。”

Edan 完成个唱后，在社交平台连环出Po，他本身当初只系期待快啲完骚，因为又攰又大压力。“以为完咗会好爽，点知同我想像中唔同，有啲空虚同埋要慢慢揾返啲力气，因为太得闲所以好唔惯，都有上堂学嘢。”提到妹妹小如猪亦有发帖，Edan 笑言“佢点敢唔赞我，不过都开心，因为有咁嘅阿妹都唔容易，虽然佢有咁嘅阿哥都唔容易。”

Edan 表示小如猪在他开骚前中流感，为怕影响所以他暂时搬走，小如猪因而感再内疚，但幸好睇到尾场。“以我所知佢一路睇一路喊，佢话一坐低已经好感动。”Jeffery第一次见小如猪真身，大赞可爱，Edan 即时踢爆拍《胶战》时，Jeffery 曾打算介肥肠予小如猪认识。“Jeffery如果唔系拍拖，我都会介绍。”Edan 又指小如猪十分乖，所以虽然口话想识男仔，但据他所知应该暂时未有任何行动。“佢咁靓当然有追求者，但未拍拖。”Edan 又指小如猪虽然唱歌有天份，但完全感受唔到对方有入行意欲。“尊重佢，如果佢想都会支持，可以做佢经理人。”

提到演唱会后发文引起无限揣测，Edan 解释原意是唔想大家有太多恶意，“我上网成日见到我哋啲团员或者呢行啲人成日被恶意攻击得好夸张，我觉得呢件事好唔好，所以我原意都系想大家停止呢样嘢。见到好多人计到姜糖同姜涛，完全唔系我想见到嘅嘢同原意，影响咗佢哋我都好唔好意思。”Edan 亦有因此事与姜涛道歉，原因是觉影响了对方。“其实我同佢都真系friend ，所以完全无嘢，大家唔使担心会影响感情。”