姜涛注定到58岁都结唔到婚？　粉红色竟然唔旺Anson Lo｜八字

姜涛、Anson Lo和MC张天赋可说是现今乐坛最炙手可热的歌手，粉丝对他们的事业、感情生活尤为关心。玄学家简信回师傅表示，原来他们的将来数年的事业发展、会不会有女朋友，甚至几时结婚有小朋友，全都会反映在子平八字之上。

未来三年姜涛愈做愈红

简信回师傅续说，姜涛八字属水，水即代表有智慧，也同时代表艺术高。有智慧、艺术高又代表什么？他说：“我哋话音乐属水，就系表演同创作，所以佢系好适合做歌手，仲要系创作型，自己写歌。呢几年属木火，未来呢三年对佢名气非常之强。我觉得未来呢三年佢喺名气、财富都会爆炸性地强。”

姜涛呢生人奉献畀艺术

师傅续说，从五行之中也看得出姜涛的感情状况，断言他到58岁都不会结婚。他说：“佢行紧偏才，不过偏才唔系解捞嘢嘅，而系正才解作妻子，偏才解女性朋友。喺18至28岁佢会有好多女性朋友，而唔会有正妻出现。呢几年可能会有不公开嘅女朋友，但系都唔会系真命天女。特别佢由18岁到58岁都唔会结婚，因为佢十年大运都系行紧水运，水大火灭，而他八字火代表妻，所以系冇可能。咁讲啦，佢系将呢生人奉献畀艺术。”

财多身子弱？

既然姜涛的事业和财运都十分好，又缺乏什么呢？师傅表示他需要注意身体。他说：“身子弱，特别系38岁打后，佢咩都有唯独系身体唔好，特别要小心下半部同脚。”但师傅也表示，如果粉丝想帮助他的话，可以送蓝色的玫瑰花，或者蓝色包装的礼物。

师傅也表示姜涛“八字最旺系七煞”，所以十分容易受到攻击。他说：“佢呢生最容易俾人攻击，好彩佢智商高所以都承受到。”

Anson Lo多贵人帮助

虽然姜涛和Anson Lo同是MIRROR成员，不过性格却是完全不同。玄学家简信回师傅说：“性格完全唔同，Anson Lo钟意收埋自己，而且内心世界好强。”谈到事业发展，师傅就直言：“Anson Lo同姜涛就好似曼联同曼城咁，各自都有拥趸。Anson Lo嘅事业非常之唔差，佢呢几年都系行火运，贵人会好多，爱佢嘅人亦会非常多。”

做到80岁都赚紧钱　粉红色竟然唔旺？

Anson Lo与姜涛同样受欢迎，不过路线却又不同。简师傅说：“两者唔同路线，唔可以话边个好啲，因为Anson Lo会多啲人捧。佢嘅才官非常旺。30岁到80岁都系行紧才官，所以佢80岁都系会赚紧钱。不过佢呢生八字都冇金，冇金生唔到水，所以…可能佢到80岁都唔会有正妻结婚。”Anson Lo衣着多以粉红色为主，师傅就表示粉红色对他并没有太大益处。他说：“白色，金色系旺佢人缘。而粉红色只旺佢嘅贵人，而佢嘅贵人己已经太多了。”

师傅直言，Anson Lo和姜涛也是天生适合做演艺行业的人。他说：“佢哋都唔适合做生意，因为佢哋都系煞大过正官，煞即系投机、投资，演艺，正官就系做生意。”

MC张天赋系姜涛竞争对手

简师傅也特别提到，MC张天赋是姜涛竞争对手。他说：“佢似姜涛，因为八字全部都系水，但系佢就冇姜涛咁多受攻击，佢识避开呢啲攻击，而且佢会由22岁红到42岁，系非常有实力嘅创作歌手。佢42岁就会行火，火代表才，所以MC 42岁行火运之后先真正赚得多。”

MC竟然冇乜桃花？

大家一直以为MC感情生活会相当丰富，不过师傅直言MC的女伴不算多。他说：“佢只系喜交友，即系男人有女伴好正常。佢唔多桃花，即系同音乐拍拖多，42岁后行火运，亦即系会有妻，而且另一半100%系圈内人。佢仲系一个好钟意小朋友嘅人，可能会有两三个小朋友。