少林足球二师兄系李宁师弟　试镜丧做汤马斯回旋：星爷点下头就走

“点解我老豆唔系李嘉诚？”“点解我生得咁靓仔，但系要甩头发？”《少林足球》的二师兄一边洗碗、一边对住星爷和达哥说出的经典对白，相信每个人都记得，但未必好多人认识二师兄叫莫美林。自《少林足球》后，外号“旋风地堂腿”的二师兄亦拍过不少电影、电视剧，现他身在横店拍剧，亦抽空接受《香港01》访问，原来当年能够和星爷合作，全因为他懂得汤马斯回璇，他说：“有日刘家荣师傅问我系边？想你见一个人，当时我饮咗酒，谂住返去训，但刘师传叫到就去啦，去到酒店就叫我表演汤马斯回旋，当时好醉做唔到，我后尾先知原来周生喺度，佢带住cap帽、口罩，跟住，第日训醒去场地，再见佢，做到喇，做咗‧.....做咗几组，做咗十几廿次汤马斯回旋畀佢，加埋差唔多成百下（佢咩反应？）冇乜呀！点下头就走咗，佢好严肃，刘师传话周生想揾个识汤马斯回旋嘅武师，但又识做戏，但未知咩原因，我就系咁入咗组。”

李宁师弟入过国家队

做汤马斯回旋对莫美林一点难度都没有（除了饮醉），因为他8岁已加入广西体操队，全国体操中获全能第六，90年被选入体操国家队，李宁是他的师兄，他说：“李宁系我师兄，我细佢两期，我8岁入广西体操队，25岁退役，做咗两年体操老师，想揾啲突破呢？经朋友介绍入咗行，第一套我就做大奸角。”由于识汤马斯回旋，莫美林顺理成章在《少林足球》有机会表演，他在戏中用体操踢波、沙地狂操汤马斯回旋，亦是亲身上阵，他说：“𠮶场戏第一次拍𠮶阵，我个膊头就受伤，痛到训唔到，好彩第二个先再拍，呢件事我最记得。”

师兄弟一人一句　造就经典对白

二师兄除了那句经典对白，地中海发型亦是笑点，原来都是出自星爷手笔，他说：“我当时拍完清装，周生见到就话就咁啦，但前面整返两条头发“斑”过去，都唔知原来咁好笑。”和星爷合作的，大部份不欢而散，或者之后数臭对方，但莫美林对星爷一直十分尊重，亦感激对方，他说：“佢唔系好出声㗎，但熟咗啲，其实好玩，会埋嚟，‘喂、今日有咩玩呀？’𠮶场洗碗戏，其实当时冇剧本架，导演、幕后、星爷、达哥；田生、我呀，围埋谂，每人都要谂一句点解乜乜乜，我都讲咗句......但唔记得咗，‘点解我老豆唔系李嘉诚？’系周生谂嘅，其实拍𠮶阵好静、好严肃、冇人笑㗎，但出到嚟就好好笑。（你当时知边个李嘉诚？）梗系知啦，咁出名。不过而家我就真系冇咩头发，但都系靓仔......哈哈”

莫美林外表粗矿，但为人风趣，亦有个花名叫猫仔，他说：“你讲莫美林行内啲人唔知边个，但你讲猫仔，佢哋就识，呢个名系以前玩体操𠮶阵人哋叫，因为成日挞落嚟，我又即刻上返去，啲人觉得我好似猫仔。”《少林足球》没有交待二师兄的感情线，但现实中他有一仔一女，他说：“太太系以前体操队时候识嘅，（佢睇过《少林足球》有咩感觉？）佢...佢没咩感觉，又唔觉得特别好笑，可能佢惯咗啦，仔女都有睇过嘅，觉得我都几好笑，其实星爷系我偶像，我最钟意系《鹿鼎记》。（𠲖家仲做到汤马斯回旋？)而家我仲做到㗎！”