蓝奕邦获顾定轩做香港演唱会嘉宾圆满落幕　宣布巡唱启程多伦多

歌手蓝奕邦在一连三晚中环艺穗会奶库举行的《SNUG IN MY ARMS》巡回演唱会，香港站尾场前日（27日）圆满落幕，全场人潮迫爆，欢呼声撼动会场，气氛甚好。重返首个个人专场发源地的阿邦份外感触，他于演唱会尾声时说：“我会好唔舍得今晚呢个骚，呢三晚我做得好开心。嚟紧呢个骚都会先去北美洲，之后再有其他站，我哋一定会好快好快再见！”

开场迎来事先张扬的开场嘉宾顾定轩，一出场已让台下起哄，顾定轩与阿邦曾三度于音乐上合作，前日（27日）他献唱由阿邦创作的《教我》及《XY》，又大赞阿邦是他的天使：“上年我第一年做新人，佢毫不犹豫答应陪我行咗三首歌，所以好多谢佢。”阿邦于顾定轩唱《XY》期间上台合唱，他分享与顾定轩认识的经过：“其实我都系《全民造星》先认识你，你嘅外型同声线好特别，你有少少remind我以前𠮶阵。其实我哋系完全唔识嘅，不过有次我哋睇Serrini，𠮶阵仲要戴口罩㗎，觉得点解有个好似顾定轩嘅人𥄫住我㗎呢？我就DM问佢。”顾定轩即表示一直很想与阿邦合作，因此当晚不停“𥄫”住对方：“𠮶个DM之后，我狂录音话嚟紧有新歌，想邀请你帮我造歌。”阿邦透露将再与顾定轩合作新歌。

接着，阿邦正式为演唱会揭开序幕，一口气献唱《你伦敦我纽约》、重新编曲的《可乐》及《Cocktail》，以轻快的旋律呼应演唱会“SNUG”的主题，台上台下同样享受，随音乐摇动身体。相隔9年再开骚的他，这次重回旧地别具意义：“我好开心可以返嚟艺穗会做骚，Fringe Club系我仲未出唱片、仲未签公司，仲系有份day job𠮶阵，就嚟唱歌嘅地方，𠮶时得两、三个人听，仲系我啲朋友嚟。廿几年前，我喺呢度表演𠮶阵真系乜都冇，而家可以再返嚟，仲有人睇，仲多咗好歌，我都冇浪费咗廿几年。”

随后，阿邦献唱为陈蕾填词的《妖治时代》，他坦言外在世界是妖治时代，希望每次开骚亦可以为乐迷提供安全区，让大家尽情释放情绪：“今晚（27日）想喊就喊，想笑就笑，想X叫就X叫！”然后是《孔雀开屏》，阿邦指当年与林夕很想透过音乐回应社会对性的伪善：“可悲嘅系，9年后呢首歌仍然啱用。”阿邦紧接唱出《蓝田金婚》，以音乐坦然表态，相信爱就是超越世俗与名份的救药。

其后，阿邦自弹自唱激罕的“铁粉side track”，让台下乐迷大为惊喜，首先是从未收录于专辑的出道作《火柴》：“当年就系upload咗呢首歌，令我由2、3个friend听我唱歌，开始愈来愈多人听，叫做储到第一班fans。”及收录于专辑【蓝】的《流星月台》。

除了邀得顾定轩作开场嘉宾，阿邦亦邀得两位风格各异的本地音乐人，从美国回归的气质唱作人cehryl及型格Rapper Matt Force，分别担任三场演唱会的表演嘉宾。前日（27日）已于首场现身的cehryl再度登场，与阿邦合唱玩味十足的《窦》。阿邦分享与cehryl相识的经过：“2013年我有个朋友做教育，搞咗个活动系好似mentor咁，我都有啲教育意义嘅嘢，唔系净系识食烟、饮酒、讲粗口嘅，不过都唔系教咗佢好多嘢，净系迫佢好短时间写咗好多首歌，呢个系练习嚟㗎。”若干年后，阿邦于音乐平台听到有位叫cehryl的女生出歌，才知道她终于做到自己喜欢的事。

然后，阿邦再与钢琴作伴，自弹自唱Taylor Swift的《Anti-hero》：“过去呢三年疫情时间，多咗好多时间同自己相处，我嘅方法就系饮酒‘自队’，咁唔系好健康，因为你会觉得个世界咩衰嘢都关你事，所以好多谢Taylor Swift写咗呢首歌。”他笑指过去曾经写不少“忧郁文青系”及“怨妇系”音乐，但为了塑造积极光鲜的形象，反而让情绪抑压下来：“𠮶时我食𠮶啲精神科药物，两个月肥咗40磅，成屋都裤都著唔到，尤其𠮶时我好想自己好靓仔。今次出返嚟，我好希望大家知道唔一定要完美嘅，可能大家都有嘢系疗愈紧，关关难过关关过，我之前都无谂过可以出返嚟唱㗎，所以其实OK㗎。”并送上《强弱》及《最后的信仰》为乐迷打气。

安歌部份，阿邦带来《围墙倒下前》及《生》，他说：“我会好唔舍得今晚呢个骚，呢三晚我做得好开心。不过开骚前，不止一个人同我讲，可能今次系最后一个喺香港睇我啦，我都有啲难受，好彩疫情完开返关，咁嚟紧呢个骚都会先去北美洲，之后再有其他站。我哋一定会好快好快再见，无论你系香港定外地，我都祝福你生活安好。”阿邦送上《说再见的对象》，用音乐为乐迷送上祝福。

乐迷的热情令阿邦再度现身，他穿上演唱会纪念品之一的围裙登场，阿邦于台上大赞布料靓，并向乐迷送上最后两首歌：“多谢大家，大家继续好好生活！”蓝奕邦《SNUG IN MY ARMS》巡回演唱会首站的尾场，于两度安歌下圆满结束。

完骚后阿邦高呼既兴奋又不舍：“我觉得今次个骚系对自己同歌迷嘅交代，之前真系完整一首歌都唱唔到。呢几年我有好努力畀心机康复，前日（27日）做完一个完整嘅骚好开心。因为每次唱之前都担心身体不适，唔系情绪问题，但系会影响唱歌嘅，好彩，呢三晚都好顺利。”

对于相隔9年再开个人骚，更选址重返出道前的舞台——艺穗会，阿邦坦言曾经犹豫：“上年我同小巧做个骚，系佢踢我先敢去谂做个人骚，因为一直犹豫自己应唔应付到，唔止系唱歌，仲有骚前准备嘅嘢。返嚟呢度，头先彩排𠮶阵我都好感触，廿几年前冇谂过到今日仲有人听自己唱，真系觉得自己冇嘥到呢廿几年。”

至于会上的嘉宾，阿邦大赞顾定轩的气质很特别：“有啲人可能会戴有色眼镜，去睇一个演员转做歌手，但系我觉得佢真系有潜质。同cehryl就系缘分，佢好叻女，而家有加拿大唱片公司签咗佢。”阿邦又透露完成三场香港站演出后，今年内将到多伦多及三藩市等北美洲地区演出，稍后会再公布详情。