伍富桥面对《声梦》、《中年》新血　唔担心多竞争：有得做就做

伍富桥早前为无线（TVB）剧集《灵戏逼人》唱主题曲《和你有些》，歌曲在网上获得大量好评，TVB罕有地特意为《和你有些》拍MV，更找来有份为剧集幕后代唱粤曲部分的粤剧名伶 — 林颖施小姐合作。

在拍MV当日，伍富桥接受《香港01》访问，表示感激公司给出这个机会，他说：“首先感谢公司，因为佢听到听众嘅诉求，我自己都好surprise呢只歌咁好成绩。因为我有个波友同我讲只歌上咗榜，我先睇到，然后再问返公司，原来其他嘅音乐平台都有上榜，然后先发觉原来都多人留意只歌。我谂其中都要归功于呢套剧，因为只歌是本身系《灵气迫人》主题曲嘛，以我所知收视都非常好，令多咗人听呢只歌。亦因为咁所以公司畀个机会我以只歌拍多个MV，因为网民想听返一只有粤曲version，自己都非常期待。”

近年TVB有不少音乐选秀节目推出，《声梦传奇》之后又有《中年好声音》，身为本身已是公司歌手的伍富桥会否担心资源分配的问题？他却只想做好自己的音乐：“其实我就冇谂呢样嘢，一来自己唱歌都系我自己兴趣，有得做就做，冇得做就自己拍吓cover都好开心，因为自己唱一啲自己钟意嘅作品，我谂好多歌手都好钟意，所以我自己随缘，如果公司好似今次咁畀资源我去拍一个MV当然是非常高兴，但系冇都唔紧要。（剧集歌想唱多啲？）其实系歌都想唱，唔一定系剧集，自己歌当然紧加钟意喇，剧集歌都好，因为首歌代表套剧，所以自己都觉得唔同剧种可以唱到唔同曲风。”