瞩目配角｜黎彼得与许冠杰决裂但仍欣赏对方：唔会出现第二个

撰文： 邱爱霖
出版：更新：

现年73岁的黎彼得（Peter）早前因急病入院，因经济拮据获富商大刘（刘銮雄）出手相助一段时日。黎彼得近日接受《香港01》专访透露，大刘已停止资助，他对大刘义助心存感激，明白长贫难顾，他说：“你老窦都冇可能养你一世啦，我好感恩佢嘅，好有善心。”

黎彼得接受访问。（陈顺祯 摄）

望读中医儿子完成学业

黎彼得近年经历过大病、离巢TVB、大刘接济之后，令他明白要珍惜眼前人，以前他觉得自己一个人独来独往，不需要向任何人交代，他说：“搅掂咗个仔先，等佢揾到食喇，我就好安乐咁走得喇。”

不过黎彼得前妻在儿子三岁时“走佬”，加上黎彼得要揾食，照顾儿子日常生活只得菲佣，令他与儿子关系都比较疏离，现在儿子34岁，在南京读医，他说：“很少联络，大家Apps沟通，‘点呀？𠥔咗几钱过嚟呀？’、‘又攞钱？’攞嚟做乜呀？同个仔咪就系倾呢啲啰。家用？我交俾佢咋。”

黎彼得觉得自己给儿子的童年回忆不够快乐，他说：“试过有一年同佢去过加拿大玩之后都冇。”（黎彼得提供）

与歌神决裂但仍欣赏对方
谈起黎彼得，不得不提起他与歌神许冠杰（Sam）联手合作的金曲《浪子心声》，两人机缘巧合下创造出这首经典，出世纯属巧合，黎彼德说：“第一次见，佢叫我写堆字俾佢，摸下我底先，点知我呢个揸车佬咩料？开头得两句咋，中间未有，佢攞住结他‘难分真与假’⋯⋯觉得可以㖞。”
中段副歌产生就因为庙街食炒蚬而产生，黎彼得与许冠杰经过停车场恰好见到一对“命里有时终须有”对联，许冠杰对黎彼得说：“可以写落首歌吗？”因而成为经典金曲。

黎彼得曾与黄子华非常老友，更带他的儿子与黄子华合照，他说：“我以前同子华成日倾通宵㗎，但无揾就无揾，人哋而家子华神，我人嚟㗎咋，点沟通啫？”(黎彼得提供）

黎彼得与许冠杰通宵度歌词令许太不满？
黎彼得曾在Sam家中为写歌并肩奋战通宵，可惜或正如《浪子心声》般谈到对人生的无奈，人生无常唏嘘十常八九，这对昔日黄金拍档最终分道扬镳。多年后黎彼得已看得通透，只淡淡寻常道为“缘尽”，如离婚夫妻人走茶凉。他承认内心仍多少有嬲对方，假如对方主动邀请睇骚破冰，他也坚拒出席，至于决裂原因黎彼得认为是许太：“你知美国人？见我呢个揸车佬，‘你唔好带坏我老公㖞？’成日同佢玩通宵，唔知去咗边？其实我同阿Sam度歌词真系度通宵，我哋真系度到好尽㗎，有次许生同我讲‘我老婆诈型呀’我话关咩事？可能我同佢太太沟通少啦⋯⋯”

黎彼得拍过不少处境剧，当中《FM701》演员阵容可算是可一不可再错，左起后排（陈淑兰、凌子轩、小雪、陈安莹、汤盈盈、张燊悦、黄伟文、林敬刚、张达明、谷德昭、麦子云、梁舜燕、黎彼得）

惟谈起当年两人创造的“奇迹”，黎彼得仍难掩对Sam的欣赏，他笑谓：“系适逢其会，咁啱火星撞地球，好多火花。无端端我去街食饭，突然间有个人话想识你，咁就识咗啦！咦，天王巨星识我呢个擦鞋仔，我都觉得唔系咁奇怪㗎嘛，就系咁奇怪啰！咁就一齐啦，写咗咁多歌，写𠮶阵又唔知咁劲㗎㖞！”黎彼得更坦言乐坛以后“唔会出现第二个许冠杰！”

拍摄场地：大围 Four X Four Cafe

黎彼得与Sam的旧照。（陈顺祯 摄）

点选睇黎彼得旧照：

+25

点选睇黎彼得专访照：

+11