专访｜黎诺懿曾自视过高 大闹经理人部门：你哋唔识，唔系我问题

01娱乐节目《摸杯底》邀请黎诺懿担任嘉宾。黎诺懿现时已是无线当家小生之一，又有担任节目主持、监制等，身兼多职，事业发展相当顺利。而家庭方面，黎诺懿与太太李洁莹结婚多年恩爱如昔，两人育有两个宝贝仔，一家四口幸福美满。事业家庭双丰收的黎诺懿看似是“人生胜利组”，但入行21年的他并非一帆风顺，甚至一度被嘲是奀星，令他耿耿于怀：“而家都有咁样写，但系而家年纪大咗，好想做到古会长（古天乐）咁，再努力啲，冇办法，每个人嘅先后次序都唔一样！”

读数学机会率学赌马　中五买孖T中$3000

黎诺懿有一兄一弟，他在家中排行第二，爸爸在他小时候因癌症离世，由妈妈独力养大他们兄弟三人，家境并不富裕，曾试过要靠领综援维生，或许因为这样，黎诺懿早在读书时期已经有赚钱的意识，他忆述中学时期读数学机会率学赌马，并表示：“我细个到我懂事开始，我拣咗一个数学与统计嘅课程，其中一个项目好适合我读，就系机会率。𠮶阵时学机会率嘅原因就系学赌马，学赌博嘅机率，我哋𠮶阵时有晒个程式去赌马，觉得读得书多就可以战胜马会。中五𠮶阵我买孖T，我赢咗$3000几蚊，𠮶阵时$3000几蚊系好多，当时讲紧$20几蚊一个餐。我𠮶阵时$10落赌注，请晒全级同学去饮茶，用咗千零蚊啫，仲使唔晒。细个应该攞三千几蚊去投资，应该再大包围多次，下次中3T！”

自认靓仔报读艺员训练班　因似陈百强获赏识成功入读

黎诺懿在入行前曾任职银行，但就在一次机缘巧合之下，决定报读无线电视第18期艺员训练班：“𠮶阵时咁啱对面嘅姐姐有本TVB周刊，而家呢一本周刊就冇咗㗎啦！咁啱一打开见到艺员训练班㖞！不如转一个行业完全冇做过，谂住后生同埋自认都系靓仔，不过选嘅时候唔靓好肥，就试吓啦！”他续指其实入到训练班是天意，并分享：“点解我觉得系天意呢？其实𠮶阵时系我入唔到㗎，因为𠮶阵时英皇新秀大赛，有四个参赛者退选。我系候补再候补，训练班负责人觉得我好似陈百强先生。𠮶阵时嘅我入行好怕丑，所有动静同你讲嘢嘅Tone都有啲似Danny仔，所以系成功候补入到，如果唔系我谂我都系做返银行！”

入TVB初期人工得$3500　望学林青霞咁赚钱

在外界看来，任职银行是一份稳定的工作，相比起入行做艺人，分分钟要面对收入不稳定的困境，但黎诺懿就自爆当初正正因不满银行人工只得$10000，所以才会选择作新尝试，但原来他初入TVB时收入并不理想：“当时入TVB $3500，但系我睇到有将来同埋希望，我睇到人哋其他主角赚钱能力或者广告，仲有我成日都睇好多艺人嘅自传，我睇过林青霞小姐用咗一年嘅时间，最红嘅时间揾咗一生嘅钱，所以我成日都谂紧我最红嘅时代几时嚟！”

对于入儿童组不满　曾大闹TVB 8楼高层

自艺训班毕业后，他加入TVB大家庭，更在剧集《当四叶草碰上剑尖时》中担正男主角，其后在2004年雅典奥运时，又被无线安排与林峰、黄宗泽、马国明、吴卓羲及陈键锋组成“奥运六星”，备受力捧，事业看似顺风顺水，但他却突然被安排调去儿童组，令他大受挫折：“我唔听人讲嘢，到而家都唔钟意听人讲嘢！人大咗成熟咗，你唔觉得我唔听你讲嘢。唔够成熟，遇到高层我都会咁做，我系李小龙先生嘅忠实粉丝，我唔会虾平辈，净系虾上面，我哋8楼叫做经理人部门，我真系试过大闹8楼，你问所有嘅经理人同一啲旧有嘅艺人，𠮶阵时我调去儿童组，成个部门翻艇咁滞。我谂紧做紧刘德华、古天乐、梁朝伟嘅时候，你叫我入儿童组！我觉得不如唔捞，嘈得好劲，我会觉得系你哋唔识，唔系我问题，好多呢啲嘢！”

被问到调到儿童组的最大主因，他说：“有阵时上班有啲嘢真系冇得撒赖，你做嘅所有嘢人哋都唔系好认同，无论你拍剧又好，好多人都觉得你好幼嫩，你讲嘢又好多懒音，一个字都听唔清楚，个样又成日都瞓醒都唔知你做紧乜嘢，但系你又觉得自己冇问题！我会觉得我冇问题，但人大咗就会发觉人哋都系想提点你。”

获湖南卫视节目组邀约参加《舞动奇迹》　爆红人气片酬急升

他忆起在入行10年后，曾打算转行，却幸运得到湖南卫视节目组赏识。他说：“突然之间湖南卫视有两个女仔打嚟问诺懿大哥上嚟跳舞呀！𠮶阵时呢我话唔好玩啦，我真系谂住离开呢行，决定离开呢一行，因为做咗10年决定要养家。点解我会上去湖南卫视系因为国内嘅钱都颇大，《舞动奇迹》我拍四集系完全能够还晒TVB嘅嘢，好嚟好去，完咗就走！”

他特别鸣谢在节目《舞动奇迹》中能遇上好队友，内地演员金晨，他分享：“佢𠮶阵时一个小妹妹18岁，舞蹈学院毕业，佢挞返着我嘅初心，我团火，我哋由第四周跳到去第六周，我想讲我由冇人喺湖南长沙机场接机，去到百几人，去到跳到第11个星期，有一半场嘅fans系我哋，系我哋一诺千金嘅组合。但𠮶阵时我冇自满，我觉得呢啲嘢好似好虚幻咁，喺一个陌生嘅地方，唔系讲紧TVB，喺一个陌生嘅地方，一个人打拼，好侥幸赢咗冠军，反而谂吓人生系乜嘢，𠮶阵时成日都喺间酒店房，点解我咁钟意谂人生系因为我断咗只脚，我断咗只脚，紥住咗，所以我成日都要喺个房休息，系跳舞先去跳，个天畀咗好多机会我。”

他自参加节目《舞动奇迹》开始爆红而人气急升，获得许多拍剧机会。他称当时有三个机会，分别是可以去国内、香港及台湾等地发展，但他却选择坚守留在香港，他说：“𠮶阵时我已经认识我太太，我太太成日都话你啲片酬，差唔多都系一部部Benz咁样掟落海。（指内地片酬？）但而家谂返，而家咁讲当然系风凉说话接咗佢啦，咁梗系好，但系而家嘅我谂，接咗之后我唔成熟嘅态度，会唔会拍咗一两套人哋已经唔要我！”

与富家女李洁莹拍拖被嘲“软饭王”　无惧流言变“五亿女婿”

2014年黎诺懿与落选港姐李洁莹结婚，但因女方是富家女，其父亲任职美容公司总经理，身家逾五亿，两人家境悬殊，所以黎诺懿一度被外界指是贪图女方身家，更被网民封为“五亿女婿”，甚至嘲笑他“食软饭”，但他就坦言完全不介意：“你见我有冇解释过，我真系冇解释过，后期我就话软饭系自己食，唔使畀大家食。𠮶阵时大家问我有几多亿，我就话有几多亿都好，我唔会分畀大家，所以大家都唔需要咁关心我啲钱。我系好后期先讲，前期嘅时候我冇讲。”

他续指：“我净系会担心佢爹哋妈咪同埋我爹哋妈咪会点谂，如果大家嘅屋企人都唔介意，就冇嘢要解释。如果我成日都要介意人哋谂咩，人哋点讲我会好辛苦，冇必要理人，我同Nicole开心就得。”

曾与杨茜尧传绯闻　不满被形容为奀星

不过其实在与李洁莹拍拖前，黎诺懿曾与同届训练班出身的杨茜尧（原名杨怡）传出绯闻，当时杨茜尧已贵为当家花旦，有传杨妈妈反对两人来往，决定棒打鸳鸯，报道更形容黎诺懿为“奀星”，指他高攀不起杨茜尧。虽然已事隔多年，但黎诺懿就直言：“奀星系介意过嘅，譬如啲绯闻又话搭上奀星黎诺㦤。但又唔系好介意，最好唔好啰！但而家都有咁样写，但系而家年纪大咗，好想做到我哋会长，古会长（古天乐）咁，再努力啲，冇办法每个人嘅先后次序都唔一样！”