Patrick Sir弃星二代名幼　注重自主学习：想Preemo入喇沙小学

由补习天王转战幕前的Patrick Sir（林溥来），凭高学历和健康正气的形象深入民心。最近，他就分享了囝囝Preemo开学的片段，并写道：“Preemo 终于踏入人生第一个重要嘅阶段⋯正式返PN喇！见到佢着住校服个样，真系好感动！”原来Preemo并未就读大受家长追捧的星二代名幼，反而选择Patrick Sir担任校监的Galilee International School（伽利利国际幼稚园），据知GIS的学费为一年为$61,930，绝对是性价比超高的国际幼稚园。

Patrick Sir接受《香港01》访问时，就大方分享自己的育儿心得。Patrick Sir指：“传统𠮶啲我又冇乜点谂过，人太多，我又钟意师生比例低啲会好啲。而我拣GIS因为系行IB课程，系香港少数幼稚园都行IB嘅学校，而家好多传统名校拔萃、圣保禄𠮶啲都行IB，我自己都睇过IB嘅理念都非常之好，呢间学校做IB做得好出色，IB会令小朋友嘅自主学习会好强，自理能力会好高，我哋个仔都系呢种性格，所以我就觉得好啱佢。另外，语言方面因为系国际学校，始终会令佢英文好好多，佢哋系好自然唔系死记，好自然同你玩去学习，所以就学得好快啲细路仔。同埋讲起Happy School，佢又同有啲Happy School唔同，譬如有啲传统Happy School会过份Happy斋玩，但呢度系有一个系统IB World School唔系咁容易攞到，有系统性学习，唔系斋Happy。”

而Preemo也遗传了爸爸的语言天份，约岁半人仔开始牙牙学语，咬字发音甚为准确，两岁就懂得用完整句子对答。对于如何培养儿子，Patrick Sir指：“我自己一定好睇个小朋友嘅特质嚟培养，唔会用同一套方式去培养唔同小朋友，因为唔同嘅小朋友有唔同特质，如果你拿捏到佢个性格嚟培育佢，事半功倍㗎！即系你捕捉到佢个性格，畀少少引导佢，佢个学习系自己去做，好过你套一套唔适合佢嘅嘢落去。之后佢又读得辛苦，你又读得辛苦。所以第一我好睇性格，去建立我对佢嘅教育方式、说话态度等等，第二系要佢学识探究能力要强，即系self-learning，要佢自己去揾嘢去学，我同我老婆自己都系咁教，因为我系用广东话去教Preemo，等佢好够胆表达，令佢两岁松少少讲嘢已经好叻，好多小朋友单字紧，佢已经用完整句子对答，同埋佢个自主性好高，虽然有时会过高，但都ok，佢食嘢可以自己坐喺度食，自己搞掂晒。”

中小学均毕业于名校喇沙的Patrick Sir亦坦言想Preemo入喇沙，但他亦坦言：“因为情意结，但传统名校一定有佢嘅好处，课程好稳定、老师好好同学校环境好好。当然都唔系我话入就入，都要睇佢到时考唔考到，但如果去到K2，见佢性格好啱国际学校，可能我都会谂国际学校，所以暂时未知。”他又指见目前Preemo很快已融入校园生活，非常开心。

点撃下图睇Patrick Sir以近3千万购入大围壹号云顶一个特色户：