爱回家｜徐文浩被雪藏？今缺席活动 单立文：热恋紧都要含蓄少少

单立文（豹哥）今日（23/8）现身将军澳电视城出席无线处境喜剧《开心速递》宣传造势活动。提到同剧演员徐文浩近日与性感女在的士车厢缠绵亲暱，惹起网上热议。豹哥接受《香港01》访问时笑言：“其实我就觉得冇人影到就好地地，有人影到就做咗个新闻，而条片都只系影到对情侣喺度缱绻星光下啫，好多时都系咁。”

咁所以大家而家知道啲车Cam咁发达嘅话呢，大家就要注意多啲，就算热恋紧都要含蓄少少啰。（佢话饮咗酒？）嗱，我就唔饮酒嘅，点解我戒酒呢？系因为有次饮大咗，就咁应承同我老婆话结婚，咁大家就知咩事啦，自此之后我系一滴酒都冇饮过，我嘅一生就咁畀杯酒就咁搞掂咗。（徐文浩都系！）你点知！（今日唔见佢就知，系咪被雪藏？）唔好讲呢啲，我真系唔知，而我觉得男欢女爱，公司虽然话唔好咁明目张胆，但始终佢哋身体就好诚实。（有冇睇过佢条片？）冇呀，我唔钟意睇𠮶啲嘢，我只系睇开心速递啫，哈哈！”