周永恒称自己没有进入“网络2.0”却被欺凌：我笑得他人看不穿

周永恒最近因参加一场拳赛再度走入大家眼中，提起这个名字，大家只会联想到贱男、渣男、出轨、家暴等等负面字眼。的确，他确实是曾经犯错，不过对于自己“创作”的初心一直没有变。

周永恒接受《香港01》访问时表示自己没有进入过“网络2.0”的世界，即是甚么？Facebook、Instagram、YouTube等等网上平台，他的年代只会影硬照、做访问，艺人与观众之间保持一定的距离，他亦称自己被这批“网络2.0”的欺凌，大众认识他的大致形象就是从这个时代出现。

“而家𠮶个距离感咁近都好假，都唔系真嘅，衰啲咁讲，佢哋靠抽水呃like，我哋都真系做货品。你要作曲作词唱歌录音等等你先做到歌手，唔系网红歌手，喺我眼中佢哋唔系曲手，剩系叫唱歌嘅人，而家系人都叫歌手，我都唔识分。”周永恒最不屑这个2.0时代，形容为薯片多过薯仔，他说：“好cheap，cheap在唔使时间唔使做嘢唔使练，即食，即系就系抽水，就系cheap。我唔理架，如果你真系有自己作品，你唔会想进入，我本身系1.0，点会变2.0，就好似啲人多咗薯片食，少咗薯仔食。”周永恒表示3.0正在出现，就是AI，又是一个复杂的问题。

“而家啲人开始玩爆咗2.0，冇营养价值，都要认清事实，网络开始有返啲道德价值，开始有人讲我以前做啲咩，唔系剩系识得闹。啲人点睇我咪点睇啰，我无乜所谓，唔影响我练嘢。我冇变过，我热爱艺术，我分过手出过轨离过婚，一个艺术家，至于贱唔贱，是但，过去唔好嘅新闻只不过系任何人喺生命遇到嘅任何事。”

对于自己曾做“外卖仔”，他不觉得羞愧，男人养妻活儿担起一头家，是他自己要做的事，不过现在已经无再做。“而家都冇单，以前几好做过，疫情𠮶阵有单，唔出得街，戴住口罩，咁我ok喇。而家出到去，咁少单又冇口罩戴，废事喇，话晒都公众人物，唔系话好唔好睇，系件事好唔好做，揾钱嘛。（点解做外卖？）主要睇小朋友，时间松动啲，我剩系做屋企附近单，我喺屋企等。养妻活儿摱摱紧，够交租够食啰。之后卖生活产品，摆网购、教人打坐 、自然疗法。”当时他经历网络2.0年代，香港没再做幕前幕后，反而北上内地发展，他指：“开咗间Marketing公司，制作公司跟住收下剧本帮人地分raising去𠮶啲同娱乐公司有关嘅上市公司，项目总监又有，总之做制作，做监制𠮶啲啰。𠮶阵咪就系你哋笑我太疯癫𠮶阵时，我笑得他人看不穿呀。”

作为2.0年代的受害者，其实还有一个张致恒，周永恒坦言跟他好熟悉、有交流，不过指自己绝对同佢唔似，但网民的留言就好似，他说：“我可以随时出碟，随时发布任何作品，我自己做制作，我出碟系为咗我想，唔系揾钱，想同大家分享讯息。佢系艺人，我系制作人，我唔系明星，佢系明星，不过有机会参演戏，我做做吓去咗TVB幕后，我都冇走去幕前，我中间拍过剧，之后去咗做作曲。”