专访｜欧倩怡会考5分变硕士考虑读多7年博士　爆郭晋安有微言

01娱乐节目《摸杯底》邀请欧倩怡担任嘉宾。在节目内大谈工作近况、家庭生活、夫妻相处、流产经历等。提到曾经历过两次流产，欧倩怡直言：“𠮶阵时有打安胎针尽量想救，但系都唔可以勉强！”
场地：ODDS
欧倩怡
服装：pleasant_island.hk
林柏希
发型：Daniel Ng @d_n.hair

离巢TVB最后一套剧做女二　同林峰有感情线

现年43岁的欧倩怡自中五毕业后参加无线电视及华星唱片合办的新秀歌唱大赛，得到唱片公司赏识签约做歌手。1997年，欧倩怡主唱卡通片樱桃小丸子的片尾曲《问题天天都多》而大受欢迎。后来有机会转战电视圈，先后为TVB拍摄13部电视剧。

谈及戏剧生涯发展，她分享：“04至05年我喺TVB最后一套剧。我𠮶阵未结婚，套剧女主角有邓萃雯同吴美珩。𠮶阵时我个摆位都唔太差，可能都有二线尾。套剧感情线系同林峰，我𠮶阵时都已经26岁，𠮶阵时我好记得坊间都觉得我好难上到一线。”她续指因为自己外形比较细粒，并表示：“同埋我小丸子嘅形象太深入民心，摆脱唔到个印象，其实我真系冇做过儿童节目！”

受到舅父一句启发　选择退出娱圈考虑转行

谈到当初选择淡出娱乐圈，回归家庭的最大原因，她表示是受到舅父一句启发，所以退出娱圈考虑转行。她说：“𠮶阵咁啱我16岁攞咗新秀嘅奖之后，华星嘅合约就自动签约，我个舅父同我讲，佢话我个演艺人生中做唔到梅艳芳，就不如唔好做。好深刻佢讲呢一句说话，先会有先知先觉，一系你去到好红，一系就早啲转行，谂其他出路。舅父呢一个教诲其实都好深刻，呢一样嘢都启发到我应该要谂远啲。”

曾担心同老公郭晋安做同一行会有危机

欧倩怡与老公郭晋安结婚16年，现时育有1子1女，2人一向是圈中的“模范夫妻”。她坦言其实十多年前已经有担心过同老公做同一行会有危机。她说：“我觉得其实都系，个命运都安排咗系咁，你好似行去人生第二个阶段，唔需要咁奔波劳碌，唔需要担心拍完呢套剧有冇下一套，咁个人系稳定啲嘅。咁稳定啲嘅时候我又有危机，我觉得两公婆做同一行，都有个危机，你睇吓疫情已经知啦！”她续指：“好似03年有沙士，𠮶阵时阿妈入过医院病房，佢系攞晒重型好似太空人咁入去帮人哋抽痰，我阿妈之前做广华医院，所以就有呢种意识。”

报读市场管理学　望有助大仔升学填表考好学校

欧倩怡就读于香港培正中学，1996年中五毕业后就踏入娱乐圈发展，她表示：“𠮶阵时其实我同安仔（郭晋安）都冇点读书，结婚生小朋友第一时间就系谂佢将来要考学校，报考学校需要填报名表，而通常都要家长嘅学历，以及面试嘅时候要用多国语言嚟进行。其实我考到第一个学士学位，咁啱赶得切喺我大仔幼稚园毕业之前读完，咁我个仔读书填表嘅时候，我哋两公婆是但都有一个有大学嘅学位。”她笑言其实为了孩子之外，读书也是为了增进自己。

自爆会考得5分　英文电脑都唔识

谈起再次升学读学士班面对最大的困难，她说：“系英文，因为娱乐圈真系冇乜机会用英文，同埋𠮶阵时大家都知道我会考得5分，我嘅中学净系挂住玩。”至于读书最辛苦的另外一点，她表示：“电脑，因为我20几岁开始，我行咗好远嘅路先可以攞到好多唔同嘅学历，要用好多时间心血先可以完成。一讲起电脑，我记得中四嘅时候当时嘅电脑系好大部，𠮶个电脑当时系黑白有啲虚线，学咗一年我都唔知自己做紧乜嘢，所以我放弃报读电脑堂。最大嘅障碍系因为最近读书成日交功课都要用电脑填表，所以就真系要去学电脑。”

自爆老公郭晋安减少接剧　享受照顾家庭

被问到夫妻相处之道，现阶段的她却勇闯事业担任营养师工作，她表示大部份时间是老公照顾屋企，并表示：“佢而家都有第二个生活模式，又冇以前咁样剧接剧，同埋都有请人帮手。至于老公有否反对她去做全职工作，她说：“之前都有少少话吓！”提到夫妻协调工作方面，她笑言：“其实真系有啲唔啱啊！因为我觉得有可能少少调转，𠮶阵我有小朋友嘅时候好似退休生活，净系朝头早起身凑返学之后就冇嘢做，做完运动又等接放学，晏昼就瞓觉，其实我真系唔想咁样过埋我下半生。”讲起夫妻会因工作协调问题吵架，她说：“系有啲Value，不过唔紧要。其实小朋友都系，我个思想就系其实呢个人系世界每个人都系独立嘅个体，大家都系对得住自己。”

经历过两次流产　曾打过安胎针

欧倩怡曾在2009年教会见证下自揭曾2度小产，当场忍不住眼泛泪光。提起这段惨痛经历，她说：“我因为之前小产过两次，我怀孕期已经唔够胆再去进修读书，唔知系压力定系啲咩原因！总之我就系摊咗喺屋企度，养猪咁样。第一个出世嘅细路我就挂住喂人奶，好全职咁照顾。最主要就同我阿妈夹时间，我嘅大仔幼稚园嘅时候，我阿妈就阴公未退休，佢放工嘅时候去照顾阿仔，咁我就有时间去返学！”

至于如何克服小产伤痛，她分享：“其实可能我屋企系医护人员，就会谂得好理性，话呢一个世界叫做汰弱留强，个胎都可能有少少问题所以先会系咁。𠮶阵时有打安胎针尽量想救，但系都唔可以勉强。”她续指自己是一个很理性的人，并表示：“我出咗名系好理性，同埋平时生活我啲决定都系好理性行先，而郭生就你见佢拍戏咁好就知系行感性，你见我做主持好啲拍戏就真系差啲，我好坦白我拍戏真系麻麻。”

考虑升学报读七年博士课程　想考埋飞机师牌

谈论未来目标计划，她说：“就系不断挑战，除咗挑战戴四方帽之外，早排我有谂过上博士课程，但其实读呢科要读七年，有啲科我问我表妹要读四年，跟住我就谂紧七年我已经50几啦！我仲谂紧现时全职工作其实有其他客人嘅需要，我会上一啲情绪管理嘅班，做一个导师去学管理思想，同埋我想做海陆空拯救队，我已经有船牌同埋车牌，我仲争一个飞机牌，我就想考埋佢，希望我唔好超龄，但系报名要好贵，我惊冇钱畀！”