破毒强人｜Patrick Sir太入戏疑似臀袭胡美贻：唔使疑似真系揸过
撰文： 吴子生
出版：更新：
无线热播剧集《破毒强人》早前播出一幕讲述胡美贻主动坐大髀，胸压色诱林溥来（Patrick Sir），男方更双手于胡美贻背部不停游走，同时亦在女方臀部疑似用力揸了一下，这一幕令到不少网民大感惊讶，并留言：“Patrick Sir今次大镬，畀老婆见到应该要跪玻璃”但亦有网民大赞Patrick Sir把故事人物性格演得淋漓尽致。
今日（17/8）Patrick Sir（林溥来）现身油塘出席无线热播剧集《破毒强人》宣传造势活动，就事件接受《香港01》访问时表示：“其实呢单新闻出咗之后，好多人都Send咗张相畀我睇，连我经理人都有，自己当下睇完都只系笑一笑，就冇惊过，始终𠮶场戏我同胡美贻系有沟通过嘅，如果我冇沟通过，新闻出咗我就惊。（老婆知唔知道呢件事？）呢一幕剧情佢就冇睇，但剧集出咗之后第二日，新闻出咗之后，我就同佢讲，佢就话佢知，因为好好朋友都通知咗佢呢单嘢。”
Patrick Sir重提这场戏时表示：“其实拍呢场戏嘅初头，我只手系唔知摆喺边，当胡美贻坐上嚟嘅时候，我系冇郁，导演就同我讲要大胆啲要用手去摸，仲叫我唔使怕。而报道话我疑似揸咗胡美贻臀部一下，唔使疑似，真系揸过㗎。”