黄秋生自嘲冇嘢拍　游学修获女友承诺现身力撑舞台剧

舞台剧《极地谜情》导演陈淑仪、演员黄秋生及游学修今日（16日）出席舞台剧彩排探班活动接受《香港01》访问。游学修分享：“我个角色就系一个演员，而今次演绎一个记者，呢个记者就要负责访问诺贝尔文学奖嘅作家，一嚟就已经俾佢吓亲，又要开枪咁，所以好不知所措，呢个人好似戆居居，嚟呢一度系有啲秘密，其实佢又唔系记者咁简单。”秋生哥则表示：“我系一个诺贝尔文学奖杯嘅得主，我系厌恶人类，然之后我独居，揾咗一个记者嚟帮我带封信。”他们笑指整套舞台剧只有两个人演出，还有一个剧本会出现的女人名字，不过不会演出。

较早前游学修曾公开表示开拍舞台剧前有打听与秋生哥相处模式，他说：“我觉得佢系小朋友，但系佢系一个好有经验好专业嘅小朋友，小朋友嘅意思，做舞台剧其实最开心做幕前幕后都有一种小朋友嘅氛围，系一班钟意玩嘅人，我觉得呢样嘢好紧要，虽然佢感觉好恶，会好惊！”秋生哥则笑说对游学修的印象仍然不变，并表示：“都系咁木口木面，佢平时系咁样，但系做戏唔系咁！”

提及数月前游学修曾经为黄秋生拍摄一段模仿韩国女团跳唱Jisoo《FLOWER》并上传在社交网站，秋生哥笑言：“冇睇过留言，不过咁鬼无聊，但原来而家个世界真系个个都睇埋啲无聊嘢。”

至于是次舞台剧是否延续10年前《极地情圣》升华版本，秋生哥表示：“唔可以讲系话升华版本，延续10年前重新翻译过咁解。”被问到有考虑香港台湾两边发展，上综艺或接拍电视剧，他坦言：“冇啊！冇嘢拍！”

讲到游学修女友会否到场支持，他表示：“全公司上下都会嚟，因为我哋公司有份支持呢套戏，咁其实唔止佢。其实净系我细佬唔嚟，因为佢话佢返工，我身边嘅亲朋戚有剩系得我细佬唔嚟。”

秋生哥在这次舞台剧饰演的角色表明讨厌记者，被问到现实之中是否一样，他则分享：“我以前应该系，好耐之前，不过而家同记者就好好关系。”游学修则表示不讨厌记者，并表示：“不过我憎Content farm，睇吓你点分，系难分嘅今时记者同埋新闻。 佢哋就喺讨论区睇吓有咩讲，然后就揾一个最血腥嘅留言做标题！”