邓月平坚称冇同刘马车拍过拖　出面澄清：背对镜头女仔唔系我

邓月平（Larine）今日（15日） 以主持人身份出席香港电台新节目《Pet Pet搞边科》。Larine接受《香港01》访问表示：“我养咗佢差唔多七年啦！佢而家六岁几就嚟七岁，网上成日见到拉布拉多嘅狗仔影片，觉得佢哋识得清洁屋企执垃圾，觉得佢哋系一个好识照顾主人嘅狗，好有目的性咁样想养。”

她又分享现时所养的拉布拉多是数年前是朋友送的，并表示：“佢𠮶阵三个月大，好细只可以匿埋到屋企啲柜桶，喺个柜底睇住佢慢慢越嚟越渗咗入去。”至于与狗仔最难忘的经历，她忆述：“有一次佢无啦啦对住空气吠，跟住我就惊，点解无啦啦对住空气吠，我心目中嘅布赖系好英勇咁样拯救我，突然推我去玻璃窗前面，原来系对面开紧party，佢觉得好嘈！”

讲到上月刘马车在社交网站公开与她数年前的合照，更指曾经与她交往。她立即否认，马上澄清：“佢都黐线，我就嚟报警。”被问到当时有否真正追求过，她说：“冇，佢系我一个朋友嘅朋友嚟嘅，我哋好似见过两次左右，多谢马车哥嘅厚爱，佢嘅社交平台都系一个好多人关注嘅平台，将啲精力摆喺好人好事上面对佢来讲，对个社会会有益啲同健康。”她续指现阶段完全没有跟对方联络过，并表示：“我之前睇林俊杰演唱会有见到佢想冲上台搞事，𠮶一下都心谂做乜嘢！”对于网民只当年与刘马车合照的时候比较亲密，她表示：“同Fans同埋朋友影相都比较Close，但其实刘马车上载两张背对镜头的女仔唔系我本人，所以我觉得有啲奇怪，但我觉得唔紧要，网上世界嘅嘢大家开心，当茶余饭后笑料一则 ” 。