专访｜王馨平嫁豪门22年仍有遗憾：无小朋友会少咗一啲经历

撰文： 邝钰莹
出版：更新：

王馨平曾是宝丽金四小花之一，不过当年完约唱片公司后没多久，她便嫁给了商人Stephen Lee，再慢慢淡出幕前，做过业余golf 球手和瑜伽导师，发现最钟意依然是唱歌。

新歌其喺早在2018年已成形，但一直到今年才录音，王馨平说每一句都眼湿湿，不过“当天离家出走 今天归家未敢走”最中她的内心。（梁碧玲摄）

王馨平下月在麦花臣举行《女人馨情演唱会》，为个唱推出新歌《威严背后》，唱出她和父亲之间的感情。父亲是独臂刀王羽，王馨平以“既是传统大男人，又是一名大侠”形容对方，就算眼见爸爸对待朋友比对待家人更好，她亦从不抱怨：“因为系惊佢，最好唔好惹佢，所以到后来，反而系Daddy埋怨点解我哋唔可以倾计，‘因为我哋惊你，唔会好似朋友咁打开心扉咁讲好多嘢’ 呢个都系一个遗憾。”

王馨平婚后不时回台湾探爸爸，后来疫情难以起行，去年返台已是处理父亲的后事，心情自然很以言喻。（视觉中国）

王羽有三个女儿，王馨平是长女，17岁那年被发现了puppy love：“佢知道咗好唔高兴，有打我一巴，但都系唯一一次，我之后阳奉阴违，唔俾佢知、唔俾佢见。”而与老公的缘份，王馨平说本来是为了应付长辈多次的催促，但结果一见到对方时，即有“好似系佢”的感觉，加上当时唱歌事业处于樽颈位，结果拍拖不到一年即拉埋天窗。

王馨平话爸爸对老公十分满意，以前成日都都叫佢唔好“虾”对方。

由于男方家人低调，王馨平亦慢慢减少幕前演出，做少奶奶的下一步多半是生儿育女，但二人结婚多年一直未曾报喜，王馨平表示：“试过，但后来系无，我比较幸运系老爷奶奶都无迫我一定要生，佢哋思想都几西化，老公亦都唔想我受苦，其实我哋系有经历过，但系无，咁就要放低，因为见过身边朋友为生小朋友 ，心理身理上受嘅苦系好辛苦。” 作为一位传统大男人，王羽亦曾与女儿讨论过生育问题：“我知我无小朋友，系会少咗某一种生活，但无办法，呢个就系我人生；有小朋友嘅人，佢哋都有佢哋痛苦同快乐，我无，系少咗一番经历。”

王馨平教瑜伽6年多，她表示就算演唱会宣传期间，都会照常教班，平衡一星期教8堂。 （IG图片）

王馨平现时的另一身份是瑜伽导师，她说做歌手是给观众看，而做导师则是看著学生能否做到她所教授的，每次落堂见到学生双眼发光时，成就感爆棚，既有安稳生活，又为何要重拾歌手身份呢？她说：“当年因年事业上有啲棘住，离开可以系最好嘅办法，再返嚟时系想做自己钟意嘅嘢，而唔系要去拎啲咩奖。”

“作为歌手我已经她感恩，《别问我是谁》、《生命有价》、《美少女战士》呢啲歌到今时今日大嘅家都仲记得。”（梁碧玲摄）

回想当年歌手的时光，王馨平自觉幸福，版权税甚至今时今日仍在收取，虽然曾是四小花之一，但她一直没有被吹捧而冲昏头脑。“我会享受掌声，但完咗落台返屋企要识自己饮水、煮嘢食、拎垃圾去倒，呢啲先系真实生活，你要识得过，要清楚台上嘅系梦幻生活。 我唔会因为排场而唔识得生活，如果系咁会好惨，有啲艺人跌落嚟之后好惨，我谂系因为过程中佢唔识得调适，呢个好重要，我估要入行都要有呢估心理建设，唔好一捧你就飘飘然。” 她说当年与三小花周慧敏、汤宝如、黎瑞恩难免会比较，但不至于勾心斗角。“当年太忙做唔到朋友，而家反而会揾周慧敏食饭、睇戏，又会揾黎瑞恩打golf 。”

9月举行的演唱会，因档期问题，只此一场。

化妆：MOD – Crystal

场地：本地舞台

王馨平
艺人专访