《十兄弟》10年后重拍　 27岁张曦雯做阿妈：估唔到啲仔咁大个

或者见Marvel 和DC英雄片太成功啦，科幻片题材有市，无线亦想来分一杯羹，所以决定重拍《十兄弟》，上次拍《十兄弟》已是2004年由潘嘉德监制，Gordon同贱han还演父子，林文龙饰演陈大虾、黎诺懿饰演千里眼。今次将会在Big Big Channel 以网剧形式播放，当年就由郭可盈当十兄弟母亲，来到2017年就找来27岁张曦雯来饰演，早前还到横店拍摄预告片，她说：“第一次做妈咪，估唔到啲仔咁大个啰，10个仔其实大部份年纪大过我㗎，我90年出世㗎，但故事系神话故事嚟，无咩所谓啦，佢哋一出世就好大个，每一个都有super power！”无错喇，就是Super power 今次无线将《十兄弟》拍到好似X-MEN一样，所以他们的造型都潮了，少了一阵娘味。

首次饰演10个仔的母亲，张曦雯都怕被人叫到老哂，她说，“佢地成日叫我做阿妈，我头几日叫佢哋唔好再叫我做阿妈，但佢哋无理，我之后都算喇，由佢哋叫我做阿妈啦，哈哈....”除了张曦雯外，《3日2夜》女神邝洁楹都有份，她饰演大力三女朋友，她说：“我都有上去拍预告片，拍𠮶阵几有marvel感觉㗎。”哗！Marvel《十兄弟》有得谂㖞。

其实《十兄弟》这个题材，无论电视、电影都经常翻拍，04年那套《十兄弟》当年最高收视有39点，好劲㗎！而港产片1995年拍过，钟镇涛、张敏做十兄弟父母，罗家英饰演千里眼。