专访｜林夏薇多次隐瞒父母上门Casting　难忘当年跑龙套被呃30蚊

01娱乐节目《摸杯底》邀请林夏薇担任嘉宾。林夏薇在节目内大谈同周嘉洛拍摄TVB新剧《宠爱Pet Pet》的合作渊源、投入拍剧同老公分房瞓、跑龙套被呃30蚊及蜡烛火烧雪柜的故事。早年曾传唔续约以家庭行先及调理身体停工生仔，林夏薇毫不忌讳直言：“佢体谅支持我嘅工作，我同佢分房瞓。”

曾被周嘉洛嫌弃太正经：以为唔系我拍系有啲开心

林夏薇与周嘉洛在TVB新剧《宠爱Pet Pet》中发展姊弟恋，对此，她说：“在生活上未曾经历过姊弟恋，朋友都系全部大过我嘅。”谈及同周嘉洛合作渊源，她表示：“第一次同周嘉洛合作我都好期待，都有睇过佢其他嘅作品，觉得佢几得意，欣赏佢创作嘅思维，我都想试吓有新嘅拍档有火花。我都有啲担心嘅，因为我未试过同细过我嘅，佢都细我七岁几。”她指周嘉洛曾透露：“本身以为唔系你拍系有啲开心，佢心谂应该同薇薇夹唔到，佢咁正剧咁正经。点知一开剧，佢觉得我仲傻过佢，佢形容我系癫嘅，拍戏嘅时候好戏痴，好喺戏剧世界里面。”

抽离唔到角色 同老公分房瞓

拍剧经验无数的她坦言曾抽离不到角色，她分享：“拍《七公主》真系抽离唔到，𠮶种情感抽离唔到。因为《七公主》真系一个好悲情嘅人物，因为系好爱佢个老公先会咁癫，成日去撩事斗非，系因为佢好想寻死，佢次次自杀啲人就要救佢，佢死唔到，咁佢成日都会话不如你杀咗我。”她又指实际上每日拍完收工也会喊好耐，她说：“每日拍完收工返嚟都会喊好耐，我老公半夜起身问我有冇嘢，不过佢都已经习惯咗，另一半真系好紧要，佢体谅支持我嘅工作，我同佢分房瞓。”

隐瞒父母亲自上门敲门 Casting曾经历跑龙套被呃30蚊

提及成名背后的辛酸，她透露：“我住过地下室，跑龙套，仲要被呃钱。我好珍惜每一次演出嘅机会，唔觉得辛苦，好感恩，仲可以追逐自己梦想，做到自己钟意做嘅嘢系好难得。”她又忆起当年去考大学，其实身边并没有任何亲友陪伴。她续指有机会去北京可以去到剧组，好积极去应征临时演员，希望可以参与到。她又说：“以前边有咁好有公司安排，现在有稳定舒适嘅生活。以前我要自己准备资料，去每个剧组敲门，先会有机会，当时我阿爸阿妈唔知。过程中遇到好多白鸽眼，人哋唔会睬你，根本唔识你。当时跑龙套系上埋山去郊区地方同男主角同场，负责拍手，被呃30蚊演出费收唔返！”回顾这段时光，她坦言：“我觉得到而家我好感谢佢哋，遇到嘅挫折喺人生之中，令我成长之中嘅过程。”

精心为老公送上惊喜 结果蜡烛火烧雪柜

与老公莫赞生（Jason）结婚8年，她分享最难忘的一件事就是她曾精心为老公送上惊喜，结果蜡烛火烧雪柜。她说：“有一年佢生日，通常啲人可能觉得我送都系贵，但系我哋送都系好惊喜，我喺可乐印上佢个名送畀佢当祝福。跟住我就将个蛋糕点咗个蜡烛，原本我以为好快，点知烧咗全个雪柜！”她解释：“因为我想将个雪柜点晒灯，好靓，将啲可乐摆得好靓，但因为我哋吹蜡烛时间拖得太慢，因为太热雪柜穿咗个窿。”

无理会网民批评“视后”结果 隔日再连踩拍足30个钟

2021年她凭剧集《七公主》饰演“顾语嫣（Grace）”一角在《万千星辉颁奖典礼2021》夺得“最佳女主角”奖，不过一直被网民争议讨论，对此她坦言：“我未去谂过呢样系点解，我真系忙到连颁奖典礼当日净系记得拎完奖，之后又要连踩拍足30个钟。”