TVB小花何沛珈上位快过火箭　多谢曾生带埋北上：本身都感兴趣

TVB索女小花何沛珈（Roxanne）近期成为网民焦点，更被不少传媒形容为“上位”艺人之一。何沛珈参选《2020年度香港小姐竞选》晋身五强后入行加入TVB，初期曝光机会大多数只于《东张西望》，后来因为参加《香港小姐再竞选》夺得冠军暨更上镜小姐后，开始被重用，《新四十二章》、《宠爱Pet Pet》、《新闻女王》三套剧集中终于不需担任“行行企企”的闲角。

早前6月份，曾志伟北上现身内地网红“疯狂小杨哥”直播，除了他本人亲自降临之外，还带了林凯恩、谷娅溦、视帝陈展鹏以及何沛珈亮相，相当之照顾和睇好何沛珈。

何沛珈“上位”？

对有人指她“上位”，何沛珈接受《香港01》访问时就笑言：“我未见过有位置排名表㖞，哈哈哈哈。对我嚟讲，我只系希望每一年嘅我比上一年都更加进步，然后将每一次嘅工作都做到当时我嘅最好，希望上位嘅意思系我进步咗啦。”

她坦言，自己对“带货”这方面的工作相当感兴趣，可能是加上普通话还可以的关系，才被曾志伟挑选去见识一番。她说：“本身我自己对呢一个范畴都感兴趣，好多谢曾生，同埋其他监制畀咗呢个机会我想去见识一下内地直播带货嘅热潮，我同其他艺人都好多谢佢带咗我哋去见识见识。”

被曾志伟睇好？

对于曾志伟的厚爱和睇重，她表示要努力去回报。她说：“我入咗行三年，好多人都好照顾我，我谂我还一世都还唔晒，但系大家咁照顾我都系想我好，咁我只有一个方法就系令到自己更加好去报答，就好似明爱畀机会我做司仪，咁我就要做好啲回馈返俾人。如果唔系可以点报答㖞？唯有做好啲，等揾你做𠮶个下次继续揾你。”

角色终于有戏份

近日《宠爱Pet Pet》播出后，何沛珈的演出也得到不少观众赞好。她说：“第7集头场系我同Ka Lok去咗咖啡室度食嘢，佢请我食嘢，跟住我嗌到成台都系嘢食，但系佢根本一直就留意住金医生𠮶边，系咁喺度嘈喧巴闭，阻住我食嘢，呢场都几好笑。因为我成咀都系嘢食，但系又要回应佢，谷到成块面圆圆。我记得有一幕，我直情唔小心喷咗啲饭出嚟，劲好笑！”

护士转行做艺人：冇后悔过

她续说，再次穿起护士装令她回忆到以前做护士时的时光。她说：“我到而家都仲有护士牌照，都仲系一个注册护士，但我冇后悔过参选港姐而再入TVB，因为我拣咗呢条路而令到我见识多咗，入行之后公司给予我唔同嘅机会去尝试唔同嘅岗位，例如系主持、司仪、演员，虽然未必系一帆风顺，亦会有好多唔同嘅意见，但系我冇后悔过拣呢条路，因为我发现呢条路我真系钟意，我好爱好爱好爱幕前工作，尤其是系演员令到我更加勇敢地去表达自己嘅情感，可以作好多大胆嘅尝试。”