阿仙奴痛失前四 忠粉袁文杰：想佢哋可以打返好个势
撰文： 郭敏玲
出版：更新：
《不懂撒娇的女人》今天举行庆功宴，看见游生袁文杰，自然就会想起他的爱队阿仙奴，之但系阿仙奴今季英超痛失前四。作为一个球迷兼业余讲波佬，当然要找袁文杰发表一下感受啦！
点知袁文杰第一句就话：“我又唔伤心㖞！如果畀佢哋搏到，其他球迷会仲伤心㖞！”咁睇得开？袁文杰续道：“因为有球迷计过机率，开场前得13%，老实讲，咁嘅话又点会有奢望呀！佢之前一路打落嚟，其实都只系输过畀热刺，但都只系想佢哋可以打返好个势，攞返个信心，已经好好㗎啦！”
问到支唔支持阿仙奴教练云加继续留下，袁文杰说：“如果约满嘅话咁咪走，佢唔会畀人炒，亦冇人炒得到佢，只系愿唔愿意留低㗎啫！不过后来佢喺摆阵方面，畀人睇到佢仲未技穷，只系呢件事就发生得比较迟，但如果佢系续约嘅话，我都系会支持嘅！”不过袁文杰就话云加去向未明，分分钟有阴谋论，而就关于阿仙奴高层之间的纷争，云加最终被逼走都未定，始终阴谋论要信吓！