黄芷晴退居幕后担当造型工作唔介意执头执尾：帮姚焯菲拍MV搬裙

黄日华爱女黄芷晴今日（8/8）现身尖沙咀出席医美品牌活动。久未露面的黄芷晴透露近年转战幕后，专为艺人安排服饰造型，相比之前做幕前轻松得多：“呢一年我都参与咗好多部MV，不过我嘅职位系比较低，我主要都系帮手衬衫同烫衫。而最近Chantel（姚焯菲）嘅新MV我都有份过日本帮手拍，而早前MC张天赋Overkill嘅歌我都有份帮手，前后呢年我都做咗有10个MV咁多。（Chantel啲衫由你负责？）咁又唔系，主要系我上司去处理，我都系俾吓意见，同埋我都系帮手搬啲衫同裙过去，如果大家有留意，条裙都几大条，我哋系要用好大个箱装，然后帮手搬运。（工作辛唔辛苦？）唔辛苦，都系我钟意做嘅嘢，爸爸都好支持我，相比之前而家份工冇咁大压力，而且而家系多咗私人生活空间，始终唔使好似之前咁要面对公众，变相就冇咁大压力。”

问到有否帮父亲黄日华担当造型师？黄芷晴笑言：“爸爸佢系最好，佢系好放手俾我搞，相对嚟讲佢就最唔挑剔𠮶个，因为话事权都喺我𠮶度，但我都会俾佢拣过，睇佢会钟意边一个配搭嘅，而佢之前都会同我沟通好，话俾我知佢嘅口味系点。（佢有冇俾人你？）佢梗系有畀，大家一齐揾钱咁几开心。”