李玟老公乐裕民被揭灵堂受不公待遇：Bruce花圈要等，其他可直入
华语天后李玟（Coco） 7月5日离世，终年48岁。自Coco逝世后，其外籍老公Bruce Rockowitz（乐裕民）频受攻击，今（7日）《香港01》接触到Bruce身边人，该知情人士为Bruce大感不值，惊揭Bruce版本的真相。
Coco的丧事由其胞姊李秋林、李思林出面一手操办，Bruce被指不请自来灵堂，备受指骂，谈及此Bruce身边人质疑，为何丈夫需要邀请才可出席妻子的丧礼，“Bruce灵堂不请自来？觉得好好笑，身为一个丈夫，妻子嘅葬礼系咪需要邀请呢？系咪一个好唔正常的评论呢？如果你去家人葬礼，你使唔使邀请㗎？Coco家姐系知Bruce会嚟㗎嘛，有Direct WhatsApp㗎嘛！”
知情人士续透露，两名继女原被安排至公众场时段，经Bruce要求才被安排到亲友时段，直斥做法不当，“佢哋系将两个女摆喺公众场的时段，呢个好唔适当的做法，后来经过Bruce要求后，先将阿女升返做4至6点的时段，呢个系事实嚟嘅。”
Bruce的花圈也是焦点之一，外界报道指Bruce送上花圈后，被殡仪馆以家属未到为由拒收，负责Coco丧礼的公关今日出声明表示，经了解后当日殡仪馆没有拒收任何花圈。谈及此事，知情人士称Bruce的花圈受到不公平待遇，“佢哋点样安排我唔知，但其他人送嘅可以即刻入去，但Bruce送嘅就要喺度等啰！要等家属嚟先决定摆唔摆入去啰！同一间花店有两个花圈，其他人可以直入，但Bruce就要喺灵堂出面等啰！”
至于被白布遮住名字，Bruce身边人则谅解花店做法，“花店可能见到好多记者，唔想出现混乱，就遮一遮，因为唔知要等几耐，后期就退返去花店啰。”
Bruce翌日未见现身灵堂为Coco送殡和扶灵，随后却抵达火葬场送Coco最后一程。被问为何稍早时段不见人，Bruce身边人大感不忿说：“既然佢哋决定扶灵都唔摆佢入去，如果你系佢本人，你系咪会觉得情何以堪呢？佢哋𠮶边唔批准佢做扶灵嘅一位，你觉得佢系点样呢？企喺门口？第一日已经好难堪，原来两个女要公众时间先去到，已经好难过，第二日仲要咁样俾人对待，想去都已经冇办法。但佢都选择无论如何都要去最后一程，所以佢就去火葬场啦！”
而Bruce和Coco两位胞姊的关系也是众人焦点，李思林在灵堂上公开哭诉“有人害死咗我个妹！”Bruce身边人表示，Bruce在Coco生前与她家人关系交好，Bruce仲会请两位大姨去旅行，“之前系完全冇问题，家庭聚会都已经会一齐食饭，派对都会邀请佢，以前系冇问题，一啲问题都冇。有时候一班人去旅行，使费都是Bruce负责的，我哋有单据的。”
7月2日下午CoCo出事被送往玛丽，二家姐Nancy指由Bruce助手通知才得悉此消息，知情者直斥此传闻令人百思不得其解，“出事𠮶日，冇可能会系由助手第一身通知Nancy，𠮶件事发生响妈妈屋企，当时佢大家姐Carol亦响度，系咪应该佢家人通知二家姐呢？点会系Bruce 助手通知二家姐呢？之后Bruce知道咗个消息，因为Bruce当日唔喺香港，好紧张，所以即刻打电话俾Nancy问详细情况，所以又点会系Bruce助手第一个通知Nancy呢？”CoCo经医疗团队抢救多天，最终于7月5日上午不幸离世。
另有报道指出，Coco逝世后家人为她挑选晚装随她入土为安，包括2000年登上奥斯卡表演所穿的红色旗袍，惟家人到访Bruce赤柱寓所寻回衣物时，却因Bruce不在港遭到公司职员阻挠，对方更称屋内已没有CoCo衣物。Bruce身边人澄清这为失实报道，“如果Bruce阻止佢，根本唔会俾佢入去攞，如果俾得佢入去，就梗系俾佢入去攞㗎啦！点会阻挠呢，如果阻挠就直头俾唔都俾佢入去啦！我唔知点解佢哋会咁讲啰！”
Bruce身边人透露，Coco生前曾向Bruce表示希望将骨灰撒在马尔代夫，“因为佢好钟意𠮶个地方。”惟如今李家人手持Coco骨灰，Bruce曾向李家人反映过Coco最后心愿，但按照现时情况估计，是否能做到还属未知之数，“Coco过世前有倾过，呢个情况就唔知有咩可以做到，当然Bruce希望可以完成呢个心愿，都有反映过，但呢个情况就估计唔到。”
李玟老公乐裕民身边人爆1.5亿婚礼同派对：全部系Bruce畀所有使费