【不懂撒娇的女人】铁仁魏焌皓都钟意成熟女人　骨折顶硬上照开工

《不懂撒娇的女人》中，对Mall姐忠心耿耿的铁仁，系前一晚终于对Mall姐表达自己对她的倾慕之情。在剧中两人相差成十几年，不过铁仁就系钟意呢一种大过自己的成熟女人。咁饰演铁仁的魏焌皓(Nathan)又点睇大过自己嘅女生呢？在接受《香港01》访问时他直言自己并不介意年龄这个问题，他说：“我比较睇重系一个女仔成唔成熟或者系处事方法。好似我呢啲比较大男人，做嘢好粗枝大叶，有好多生活上琐碎事都可能处理得唔好，如果可以帮我处理到就更加好。同埋最紧要系沟通到，成熟啲嘅女仔会比较识得睇人眉头眼额，相处落嚟系会开心啲，所以我唔介意女朋友系大过自己。”

其实Nathan同铁仁都有不少相似的地方，剧中铁仁曾经因为OT而晕倒在办公室，作为演员的Nathan虽然唔会喺办公室晕低，不过带病入戏厂就经常会发生：“好平常喇，我哋做演员如果病咗就唔返工，就会影响好多人。一场戏争一个就系争一个，拍唔到就拍唔到，所以有时发烧𠮶啲都要顶硬上。之前拍《使徒行者2》时，拍摄中途发生咗意外，只手骨折同韧带撕裂，为咗唔影响拍摄都决定拍晒先做手术。”

佢真系好大只，睇吓下面啲图就知。

为了Mall姐，铁仁可以离开做了多年和待遇都不错的傲星，因为失去了动力。在现实中，Nathan都曾经对自己的事业失去了方向，甚至想过放弃，他表示：“其实各行各业都绝对有自己嘅难处，甚至有好多问题都解决唔到。心灰意冷就一定有，特别演员呢个职业咁复杂，好多人都话系好似入咗一个大染缸。我经历好多唔同嘅人或者唔同嘅事，你会见到有人行得比你快或是行得比你慢，无话边个最好或者边个最差，但有时都会唔开心，唯有自己调节喇，因为演员都好讲运气同机遇，一直咁灰都系解决唔到问题。”入了行九年，两度想过放弃。第一次刚巧是香港电视开台，想过离开TVB，不过当时TVB开口希望他转签经理人合约，所以他便选择继续留下。第二次想放弃，又刚巧收到一个剧本，是一个他一直想演的角色，他直言那一刻自己的心情是“温暖”了，所以又再一次决定留了下来。其实一个演员需要就是一个表演的机会，一个好的剧本，Nathan曾经因为《On Call 36小时》饰演张一康而受到不少观众赏识，可惜之后又是做回一些闲角，他觉得是因为当时入行只有三年，其实当时公司好多人都不认识他，可能大家都不知道这个角色的事，所以观众对他的认知比公司的人更加多。经过几年的闲角浸淫，Nathan开始迎来自己的收成期，在近一两年的剧集当中都能够以男配角的身份出场，大家都看得出他的进步，可能年尾飞跃艺员会有他的名字也不出奇。