微辣阿晶｜生前3段录音揭加葱唔陪堕胎覆诊　更因一事医院发脾气

微辣前经理人阿晶（Jane）日前轻生离世，她于遗书中表示自己19年堕胎后患上抑郁4年，文中虽冇指名道姓，但就提到最亲近的人见到她病发哭得颤抖时“冷冷丢下一句‘你很恐怖，有病就食药，别像个疯子一样’”令阿晶自此都只敢一个人在房间哭泣，不敢打扰人，简直闻者心痛。

而有“爆料王”之称的Sean Lam就在社交平台曝光三段阿晶生前的录音，第一段是她与加葱的微信对话，讨论是否要小朋友，第一段加葱说：“咁你谂下，睇下要定唔要。”阿晶问：“可是你是不是不想”加葱就回答：“我唔想，不过都会尊重你，我搭12点船呀老婆。”而阿晶表示自己要再想想，她说：“如果我哋两个唔一致，生落嚟佢都唔幸福，见面先倾。”

阿晶和加葱都先后讲过，当日女方堕胎时加葱并没有陪伴在侧，加葱在日前的道歉直播中有提到此事，他说：“当然佢去（堕胎）当日，我冇陪佢，呢个系好错嘅事，原因我唔多讲，但呢件系错事。”亦承认了自己冇陪阿晶堕胎。从Sean Lam的另一条录音中，阿晶提到：“冇呀！我阿妈陪我去做手术㗎，𠮶日佢（加葱）要做嘢，佢有Job，佢去咗做Job，所以佢冇陪我一齐落小朋友。”而据Sean Lam提供的资料，阿晶是在母亲陪伴下去珠海堕胎。

至于第三段录音，讲到加葱绝少陪自己覆诊，节录如下：“佢未Ready好，我觉得佢唔系好想同我一齐，医生有同我讲话我男朋友对我影响好大，叫我一齐睇医生，佢应该陪过我一两次睇医生㗎咋，之后𠮶一年都系我自己睇医生，我仲记得有一次睇医生佢仲发脾气，因为医院个冷气太热，所以佢发咗脾气，之后我从此以后唔敢叫佢陪我睇医生。”