专访｜蔚雨芯被指“忽然富贵”　激动澄清入行娱圈16年三大误解

蔚雨芯（Rinky）因参演无线（TVB）剧集《灵戏逼人》而再次进入观众视野，不少网民都大赞她虽然戏份不多，但表现十分亮眼。蔚雨芯接受《香港01》专访时，笑言自己演艺生涯是“上天同佢开玩笑”，皆因当她准备放弃一样事物时，上天就会给她一个希望。她说：“好似摸吓你头，喺你想放弃嘅时候畀粒糖你食，叫你唔好放弃。”

片场同导演争论

在《灵戏逼人》中，她饰演的张皓晴（Karen）与李日朗和张振朗有不少亲热戏份，原来事先蔚雨芯曾因为这件事而与导演争论过。她说：“过多色情或者暴露，我又觉得唔应该过多，好似呢套《灵戏逼人》（剧本）太多kiss同床戏，我就要拿捏究竟咩应该做，咩唔应该做，如果唔系观众睇得多真系会眼冤。唔系多就派糖咁样，所以要拿捏得好。”

蔚雨芯一啲都唔开放

她表示自己有“感情洁癖”，其实内里很保守。她说：“好难可以去到同男仔有身体接触，所以做戏我都有返底线。”也因此在拍摄《灵戏逼人》时，她曾经因为剧本问题而与导演有“argue”（争论）。她说：“喺厂景我都有arguing，都会同导演执着一啲位，到底好唔好呢，佢哋梗系想我畀多啲出嚟，但系多唔代表好。咁而家个角色大家喜欢就好啦，刚刚好。For感情嚟讲，我都系比较感情洁癖，好难可以去到同男仔有身体接触，所以做戏我都有返底线。”

她举例说，当年参演《微交少女》时，也选择了用裸替演出。她说：“翁子光好想我做里面个哑妹，我争扎咗两个礼拜究竟接唔接，因为里面哑妹有露点戏份，会杀人。当时子光就好想我拍：‘你一定系哑妹。’我就望住佢：‘吓，但系个角色有露点，我接咗啲人咪会以为我？’我𠮶时好细个，子光就好好，佢揾咗个替身畀我。”

自言未够专业

她续说，虽然翁子光明白她的难处，但她亦有感自己不专业。她说：“有时喺好专业嘅程度，（咁做）就系好唔专业。咁我系女仔嚟㗎，我都有矜持同底线，我都要尊重爹哋妈咪。每个人底线唔一样，但系有戏做我一定全心全力去演出。”当被问到如果是出演像《色戒》中汤唯的角色时，她想了一想回答：“咁我系咪应该要答首先个对手要系梁朝伟先？哈哈哈。”

在其他人的眼里，或者会觉得她不想有太多床上戏、亲吻戏，是一种不专业甚至于是“麻烦”，事实上她这份执着源自于对爱情的保守。她说：“我要观察一个男仔一年。咁多年都系报道过一个，𠮶段系雾水情缘，我冇好多个，（5只手指）呢个数数得晒。我冇试过同圈内人一齐，唔知呢，冇缘份啩，佢哋做戏太叻啦。哈哈，好惊呀。”

拍拖未必拣有钱人

至于被问到会不会和穷人拍拖时，她就回答：“基本上我拍拖系唔睇对方家底或者有冇钱，因为我试过同一啲自己打拚嘅男仔，因为我觉得佢好有power，好识去珍惜一啲嘢， 好紧要。如果佢本身background好有钱，佢未必识去珍惜你啲份爱。呢个世界系公平嘅，要揾一个background好又好嘅男仔，哪里来呢？绝种啦。”

忽然富贵

近期有不少报道她“忽然富贵”的新闻，她亦澄清道：“呢个都真系OMG！我可以好直接咁讲。人哋呢好钟意将论坛上面嘅copy落嚟变做一单新闻，新闻出咗街之后每一间就copy就变疯传。当时我冇讲出嚟，就系出律师信。因为我都要专重返爹哋妈咪，所有不实报道我都要take care佢哋感受，好多嘢都系屋企嘅，并不是某某男子。爹哋妈咪以前系做旅游巴，好细个就退咗休，Office嘅嘢我都要一齐开会，去中国内地都要帮爸妈去签，我哋好family love。到而家我都同屋企人住，如果系都会好无奈。”她解释，几年前自己买了的手袋，想不到也会被传媒拿去“做新闻”。

搣甩“落选港姐”称号

蔚雨芯坦言，自已在16岁的时候因为秀姑的推荐而去报名参加《香港小姐竞选》，不过就只限于面试而没有入围，所以称不上是“落选港姐”。她说：“我要讲返我冇参加过，只系去过面试。个面试嘅来龙去脉就可爱嘅，就系当年16岁，我签咗唱片公司架啦，叻哥好好，新年我去佢屋企豆利市，秀姑又喺度：‘哗，你咁靓女，又16岁去参加香港小姐啦。’就系咁秀姑就提名我参加，但系我16岁唔知头唔知路就去咗。咁乐小姐见到我就话：‘𡃁妹，你得16岁，签咗唱片公司啦㖞，不过唱歌几好听。’我唔想揹住呢个名衔，其实我冇去选，但系啲传媒就唔知。”

场地提供：Glasshouse Greenery（Victoria Dockside K11 Musea）