吴海昕自爆Hot Toys珍藏塞满房间　称是达哥Fans：识唱佢首歌

吴海昕和“达哥”林慧韡现身《香港动漫电玩节2023》出席Hot Toys大型珍藏人偶展览揭幕活动，吴海昕透露自己私下是动漫迷，更与哥哥收藏了不少Hot Toys人偶：“我暑假工第一份粮就系买Hot Toys。（而家有几多珍藏？）都摆满左间房，因为我搬咗出嚟住，而家变咗杂物房。（摆满起码过百万？）咁又无咁多，但都多谢我阿哥努力做嘢，满足我嘅愿望。”

吴海昕更自爆平日亦有观看达哥的打机片，更即唱哼出达哥的饮歌：“我一路都有睇达哥嘅打机片，一见到佢就唱佢𠮶首饮歌，佢打恐怖game就会唱嚟振奋自己，佢听到我唱得出呢首歌，好开心！”

吴海昕与闺密苏皓儿早前结伴闯蒙古，她称到埗第一日已不见电话，所以首两日都在差馆渡过：“几特别嘅经历，第三日就唔记得咗唔见电话嘅失落。我哋都有入乡随俗，两、三日都冇冲凉，唔好睇我哋好女仔咁，其实我哋都好男仔头，都唔著鞋周围行，呢种形式先可以最深度体验当地文化。”吴海昕更称正提升自己的幽默感，为参演的舞台剧做准备，更透露将会一人分饰几角。