灵戏逼人｜谢雪心拍厂景惊见怪手　鲁振顺拍烧衣戏仲出事

无线剧集《灵戏逼人》即将播毕，有份演出嘅谢雪心、江欣燕和鲁振顺大爆拍摄期间遇过的不少灵异事情，听完都毛骨悚然。

谢雪心提到其中一幕喺搭建嘅酒楼场景内拍摄，拍摄期间导演突然叫停。“原来镜头右上方有只手！但摄影师见唔到有只手......哗！大家睇Playback啦，片段内喺右上角天花板嘅位置，有只手伸咗落嚟，然后缩番上去！喂，但系𠮶度搭建场景，天花有顶盖，唔可能有人喺上面......”谢雪心之后再透露，有工作人员粗鲁对待跟随她多年嘅洋娃娃，将公仔脚整断，之后该名工作人员嘅手不能郁动。直播期间，谢雪心尝试郁动公仔，展示其能够开合的眼睛，但未能成功，洋娃娃仲一直瞪大眼睛。

剧中饰演纸扎用品店舖老板嘅鲁振顺，同扮演女鬼嘅龚嘉欣有较多对手戏。鲁振顺常常烧衣纸给对方：“有一场戏拍摄我烧衣，化宝时啲烟向一个方向飘走，真系好似有人攞紧嘢走咁！我觉得好奇怪......双手合十，口中念念有词，‘唔好意思，我哋嚟拍嘢咋’。导演即时叫我哋快啲拍完快啲离开。”