专访｜洪嘉豪享受现有步伐　并非不上进：系世界唔允许我力争上游

撰文： 邝钰莹
出版：更新：

洪嘉豪（Kaho）推出以“水”为主题的专辑《Cleanse》，内里收录记录片他出道5年成长故事，影片中Kaho提到有人说他这几年的路程如同《全民造星》时，他说：“我系真人版嚟㗎。”

这位参赛者预估自己大概会在60强止步，原因是自己的性格以及歌曲风格并不属于轻易获三灯。“输蚀㗎，所以我从来无参加过比赛；喺呢个社会上，总会有啲人系慢热啲、冇咁自信，而我就系代表住佢哋去说话或者唱歌。”

“有啲人系你唔需要认识佢，都会好喜欢；但我系未识都几讨厌，识咗之后有机会喜欢我。如果比赛嚟讲系好输蚀。”（梁碧玲摄）

我应该好快出局

“某程度上，你可以视每一次表演为比赛，只不过对手系自己咁解。我应该系会好快止步，因为我表演会慢热啲，而比赛好讲𠮶几分钟做啲咩，而我又唔系声嘶力竭𠮶种，所以我应该系……60强左右。”虽然自知输蚀，但洪嘉豪似乎挺享受现有的位置，他认为社会上总有不够自信、慢热的人，而他正好代表这群人出来唱歌／说话。

如果真系参加《造星》，单系Chill Club颁奖礼上的表现已可即时出局。“唱几百次商演都冇事，唯独全香港人睇紧就发台瘟。”

世界令你不自信

作为一位艺人歌手，洪嘉豪的自信似乎永远都不会是百分百，情况就如当提到今年情人节推出嘅《My Secret Park》时，他表示“成绩好好，都系意想不到”；以及之后的《洗面》，他说：“我系有信心，但平台播放keep住高位，我都唔系好估到。”他解释说:“有啲嘢唔关上唔上进事，而系我力争上游时，世界唔允许。”唔允许嘅，是否包括埋奖项？“有得拎当然开心，但就好似我刚刚所说，平时啲歌喺平台资料榜排第10，而今次排第2、3我都已经好似拎咗奖咁。又可能系我已经忘记攞奖嘅感觉，太耐冇上颁奖台，有少少遗忘原来都可以上去。不过拎奖系365日嘅作战，而唔系一两个月嘅事，同埋都唔系我一个人嘅工作，公司同事都要做好多嘢先去拎一个奖。”

洪嘉豪以“独家村”形容他与陈蕾之间的友谊。“唔记得系咩活动识佢，佢𠮶事有少少挣扎条路唔知点行，应该就系𠮶阵同佢倾多咗就friend。”(资料图片）

努力做街坊生意

为怕笔者误会，洪嘉豪非常努力解释拎奖与否并非想就得：“我呢两年的作品，好多年轻人都会听，但又未有能力拎奖，我喺另一方面都得到咗好多听众，多咗人支持我，两者如果……都兼顾唔到，我只能拣其中一个plan。再现实啲讲，全公司20位艺人，（电台）系唔会颁20个奖畀你，所以系好睇大家点plan，同埋一直做开街坊生意，暂时未有转plan计划。”入行5年，洪嘉豪在出道第2年已经历了低谷，但他仍然自觉是幸运：“总会有呢啲日子出现，只不过我出现喺头两年，好彩好快行出嚟。如果两年前你问我总结应该系会唔开心，但而家系开心，可能心态唔同咗。我其实都算系有运气，因为你可以遇唔到。”

出道第一年拎叱咤新人金奖，但之后彷似中了新人奖魔咒，直到《穷小子》、《主角光环》，洪嘉豪成功开拓了“街客plan”的市场。(资料图片)

Hair | Haysses Ip @ HAiR @heixx_

Make up | Circle Chong @circlexoo

Outfit | @harveynicholsmen #HarveyNichols #HNOnline @amiri @ragandbone