林子博为亡妻未上龛位就移英解画：相信佢明白系谂咗细路先

林子博、李婉华今日在酒家与行“李婉华x林子博粉丝见面会”，现场迫爆700多名粉丝，两人在见面会前接受访问，透露彼此是网友，今次终于碰面。

子博移英全职躲在房间开咪　生活圈子窄

子博趁住仔女放暑假回港，问一家人适应移英生活未，他透露仔女很快已经习惯，返学会认识到不同国籍的朋友，但自己长期躲在房间开咪，生活圈子较窄，不过他觉得最紧要是仔女适应到。问到收入是否够生活，他说主要都靠做网上节目，要靠大家多多支持。

子博和婉华认为两地教育制度各有各好，子博说：“希望佢哋轻松学习，香港教育制度都好，系精英制，但系我小朋友唔系好读得，我又唔想佢哋自卑。”两人认为香港的小朋友去到外地都是精英，转数快、数学叻，子博表示：“我个仔喺香港数学都唔系好叻，但系去到英国可以教人。”婉华指外地很多人听到学生来自香港都会尊敬。

未待太太上位已离港　因仔女赶住开学

日前子博被传媒拍得在港跪地拜祭太太Shirley，是他移居英国两年后首度回港拜亡妻，有人问为何不等太太上龛位后才离港，子博解画：“𠮶阵时样样嘢堆埋一齐，包括够期搬屋，因为我之前喺香港系租屋，加埋阿仔又派中学，𠮶时政府又未畀骨灰位我，咁都要谂解决方法。当然我都想等太太上埋位先至决定之后嘅嘢，但系几样嘢迫埋一齐嚟，适逢已经8月，9月就要开学，究竟点呢？我相信太太明白，最紧要系之后条路点行，谂咗细路先，冇办法，返嚟咪同佢Say Sorry，我喺佢未正式上位就走咗。我一早已经写咗授权书，揾屋企人帮我手，派到位再帮我处理。”

子博拜祭太太时，送走家人后再折返现场，他说是因为内心仍然有很多说话想跟太太讲，“主要都系道歉，同埋讲对仔女近况。”问为何几个月前通关后不立即回来，他坦言去年已经想回港，但当时疫情未过，加上自己每日都要帮仔女做司机，只有现在放暑假才行得开。

大女鼓励子博拍拖　代开交友App

婉华又透露，今日见面会希望帮子博招亲，即使子博这一刻未完全放下丧妻的心结，但如果将来找到适合的人，都可以当识多个朋友。子博说18岁的大女咏渝很支持自己结识新物件，更帮他开交友app，“都有同人倾吓偈，但唔知系咪骗案。”婉华赞咏渝好识谂，“好多仔女未必得，觉得爸爸会俾人抢走，如果你个女咁成熟，佢好乖。佢都想你开心，都想你有人锡！”子博原来更被囡囡催拍拖，他驾车送囡囡学跳舞，要在外面等个几钟，“我话不如我都入去跳，冇咁闷，佢话你唔好入嚟，好𤓓呀。久而久之佢话爹哋不如你去拍拖，唔好搞我！”