蔡洁出新书黄宗泽未见人　闻对方自认花心即语窒：都几坦诚

蔡洁（Jacky）今日（22/7）现身湾仔会展举行新书《有只猫在芒果星》签名会。Jacky受访时表示：“呢本新书我暂时印咗1000本，我唔敢印太多，唔知大家钟唔钟意，我要睇吓个反应系点先再决定再唔再加印。（今日出新书有冇通知绯闻男友黄宗泽？）佢唔知呀，因为知佢忙紧，但我会送俾佢嘅，同埋我都会迫佢买嘅。（无理由叫佢一本咁少！）我唔知，我可以迫到佢买到几多本，哈哈。”

被问到经常同黄宗泽屡传绯闻会否造成困扰？Jacky笑言：“其实我哋系好闺蜜，但都明白大家点解要咁写嘅，最紧要大家睇得开心，亦都明白咁啱我哋综艺节目出街，加上大家又钟意睇我哋喺节目度嘅互窒对方，最紧要大家睇得开心。（黄宗泽系咪你择偶条件？）佢应该系全港女士拣男朋友嘅条件嚟。（佢曾自认花心男，你又钟唔钟意花心男呢？）哦，原来佢承认自己花心⋯⋯咁佢都几坦诚，我都唔知。不过就最好唔好啦。”