曹敏莉选美旧片翻Hit　被大女Dora质问点解要着泳衣：佢好保守

曹敏莉（Mandy）今日（21/7）和11岁大女Dora现身湾仔书展出席名讲故事活动。Mandy在接受《香港01》访问时表示：“今次系我同囡囡第一次上台讲台故事，而佢今次讲嘅英文故事书，我系讲畀佢同二仔同三仔佢哋听好多次，变咗佢已经听惯听熟，同埋佢今次会喺台上用英文讲，而我就会系用中文再讲解返。”

被问到囡囡有否兴趣加入娱乐圈？Mandy笑言：“其实佢个人系冇乜表演欲，佢比较钟意弹琴同埋睇书写作，咁所以佢大部分时间都系用嚟睇书，呢样嘢就系佢喺屋企嘅活动嚟。（囡囡知唔知你参选过港姐？）哈哈，系佢三年班嘅时候，佢啲同学话咗畀佢知，起初佢都唔相信，后尾佢而家大咗都有上网睇过我选美啲片段。（囡囡有否提过想参选？）佢话佢唔选，因为佢好怕丑同埋好保守。佢试过问我点解要着泳衣？我就话你去泳池都着啦，哈哈！”