Lokman冇收过指示玩《造星》要低调感情事：我直情摆埋女朋友上台

撰文： 邓颖琪
出版：更新：

MIRROR成员杨乐文（Lokman）、邱士缙（Stanley）、邱傲然（Tiger）参加电话进品发布会活动，日前Lokman有份在《全民造星5》跟参赛者Tsoul表演，并获激赞，原来两人已相识多年，可惜Tsoul因同分饮恨得第5，Lokman说：“我都有同佢讲，哎呀，争少少！佢话唔紧要啦，但我都有少少戥佢唔抵。”节目中Tsoul常说想做跳舞明星，Lokman都希望香港慢慢发展到跳舞明星体系。

MIRROR成员Tiger、Lokman、Stanley，以及COLLAR出席电话新品发布会。（陈顺祯摄）

讲到十强参赛者魏念恩（Nathan）的女友曾在社交平台表示，男友参选后自己“唔见得光”，“ViuTV要我（IG）转Private”，问三位参加《造星》时有否收到恋爱禁令，或要求将感情事低调、女友帐户转私人等，Lokman说：“冇㖞，冇听过呢啲指令，我直情节目都摆埋佢（女朋友）上台，仲转Private咪仲奇怪！”当时已跟李炘颐（Alina）爱得大方的Stanley谓：“依家转返Private就话我哋闹交㗎喇！”

Lokman在参加《全民造星》期间冇收到指示要低调感情事。（陈顺祯摄）
（左起）Lokman、Stanley、Tiger即场跳舞。（陈顺祯摄）

Alina日前都有在《造星5》跟冠军人马Lyman（香胤宅）跳现代舞，Alina的舞衣极之性感，还有不少擘髀动作，网民也怕她走光，又替Stanley担心，“佢跳开现代舞，你见《造星3》，佢好多时都著啲好紧身嘅衫，唔会著长裤跳现代舞㗎嘛，所以系做足安全措施，大家唔需要为我太担心！”而Tiger都跳拉丁舞出身，他透露全家都是Lyman粉丝，妹妹不停催他投票给Lyman，而他也很渴望有机会跟对方学习，毕竟对方经验比他丰富，身经百战。

Stanley将启程台湾拍ViuTV剧，今次要为角色减磅，而且8月20生日都要在台湾度过。（陈顺祯摄）

此外，吕爵安日前透露新歌MV本来公开招募女角，但碍于行踪常遭泄漏，惟有放弃有关安排，将拍摄详情保密。问三位“行踪泄漏”问题几年来有冇改善过，Lokman说：“冇特别留意，我估就系冇乜改善，钟意我哋嘅朋友唔少，都有佢哋嘅天地线，我觉得你Support、支持系唔紧要，最紧要唔好影响拍摄进度就得啦！同埋唔好喺我哋屋企附近等，因为会影响到街坊。”

MIRROR表示几位成员中，Tiger手机成瘾较严重，最近做导演的他忙著用电话剪片。（陈顺祯摄）
MIRROR成员Tiger、Lokman、Stanley在访问中表示行踪曝光难以避免，粉丝可以来支持，最紧要别打扰拍摄进度。（陈顺祯摄）
Winka@COLLAR曾揾Nathan拍MV　唔知佢经济状况：拍MV冇Deep Talk