港姐冯盈盈最爱食酸辣米线　即场声演落单阿姐口音

应届港姐冠军冯盈盈话咁快就要做人师姐，今日出席《2017香港小姐竞选》记者会。各港姐都有摆自己上台，将自己的旧照公诸于世，冯盈盈笑言有点怕羞：“好耐冇见以前嘅自己，望返之前嘅我都几清秀呀，望返而家就发现自己其实瘦咗好多。”大学修读食物及营养学的冯盈盈，她笑言好想增肥，奈何自己体质本来就是食极都唔肥，现在奉行的方法就是“有咩就食咩”：“我要同减肥嘅人相反，佢哋咩都食少啲，我就热量食多啲，蛋白质同脂肪都要多啲，但又唔食垃圾食物啰。”

不过讲开又讲，睇开冯盈盈instagram都知她好为食，经常捐窿捐罅揾嘢食，原来Crystal都好贴地，喜欢食比较平民化、或是传说中的隐世美食。她说：“好钟意食大排档同茶餐厅呀之类嘅嘢，食大排档系因为我住沙田，咁喺屋企附近，而且好出名......如果你知我讲边间嘅话！如果有机会嘅话，我都好想去扫街。”冯盈盈仲自爆好喜欢她成日吃有“香港人美食”之称的某家云南米线，对于这间米线将被日式餐厅集团收购，冯盈盈非常清楚：“我谂佢都会好清楚自己本身有住好贴近香港人口味嘅特色，相信就算之后易主咗，都会保留返呢个特色，因为如果食日本嘢就唔会去呢间度食啦！始终去食都系想食本身嘅味道嘛！但如果多啲gimmick嘢，例如有日式嘅服务，我都觉得几新鲜嘅，但味道就唔好改变，我都系好钟意食佢嘅酸辣汤底。”

除此之外，冯盈盈对米线店的特色－阿姐口音，感到亲切：“我知道有时大家听到会觉得好搞笑，但对我嚟讲就觉得好亲切，尤其是佢哋会讲‘懒肉勿演山小’咁......我觉得要有呢啲先似去咗𠮶度嘅感觉，希望佢会keep住再加啲日式服务啦。”见冯盈盈讲起，所以就请佢示范一下“阿姐口音”，睇片喇。