疑似Nathan女友同事留言再爆料　“佢宁愿唔食饭都要畀钱你”

魏念恩（Nathan）被爆出分手后仍向女友Jessie借钱，形象插水，因而退出《全民造星5》总决赛，昨日（18/7）他撰长文解释事件，说自己事发后心情“恐惧、内疚、自责、伤心、甚至失眠”等，但因不想惹人担心而扮开心，其后都对轻浮的自己感到呕心。Nathan为女友出事后冇立即同对方家属沟通、于Jessie丧礼上错过与对方家属面对面沟通的机会感到抱歉，指“成为咗我现时最大嘅遗憾”。

他承认自己在报道刊出一刻，仍有很多事情未处理好，因而决定退出《造星5》决赛，向各个受影响单位致歉。而在文末，Nathan为向Jessie借钱一事解释，他称要澄清这是“当时资金周转嘅生活模式”，“当时我同佢拍拖期间，我地（哋）双方都有稳定嘅工作，但系出粮嘅时间好唔一样，第三者睇到WhatsApp对话可能会对‘借钱’一事感到难以接受，但事实呢个就系我地（哋）当时资金周转嘅生活模式，甚至持续到去分手之后。但当我发现分手后继续与对方有金钱瓜葛会令关系都完结得唔够干脆，所以喺事发前我已经约对方当面见面并以现金还清。”

不过有疑似是Jessie生前的同事就在这个贴文下留言，这位人士与Jessie有互相追踪，他说Jessie宁愿不吃饭都要俾钱Nathan，工作9小时都因悭钱不吃饭、饮杯嘢算，形容这种“周转模式”只是Nathan单方面揾Jessie帮手，更说：“你呢就净系识得喺电话XX佢，X到佢返工无啦啦都要喊！”

前同事留言全文如下：

“周转模式？笑X死！点解可以咁都讲得出！有（由）你同佢拍拖开始 我就从来冇觉得过呢一个系一个共同承诺嘅一个模式。同佢做嘢一齐咁耐，只系见到过佢宁愿唔食饭都要俾（畀）钱你，从来冇见过佢月尾有任何嘅经济援助。可能呢个系你嚟㗎（嘅）经济嘅模式，单方面需要帮助就问另外一位帮手，但系我从来都冇留意过佢有问过你拎任何一分一毫。喺我嘅脑海，同佢食过，最后一餐放lunch break嘅饭，佢都只系选择饮杯嘢饮就算，你觉得返工九个钟，饮杯嘢饮，真系够饱？就系知道你个人厚颜无耻，我先周不时揾借口请下佢食饭，你呢就净系识得喺电话XX佢，X到佢返工无啦啦都要喊！一直以来，我都冇好刻意咁发声，原因系因为我知道你系（喺）佢心目中几重要，去到呢一刻睇完你打嘅嘢，完全唔觉得呢对（段）感情喺（系）对等！我真系忍唔住！”